捌哥‧馬拉籽 (已結業)

放工大圍落車搵lunch。行經好湯好麵，一如既往好多人排隊，試過一次覺得只係唔排隊可以一試既程度，於是試吓佢隔離間馬來西亞店個蝦麵。店內入座率唔高，同隔離店都大對比，地方都細。上餐好快，蝦麵重點係啖湯。一飲，ummm，相比起荃新天地間蝦麵店，呢間啖湯冇咁鮮甜香濃，相信用黎熬湯既蝦量相對少，另外佢輕微炒燶湯料，令啖湯有少少苦，要加蝦辣醬蓋過。蝦辣醬只係辣版是拉差醬，冇蝦味。只可以話普通蝦湯。而且湯水唔夠，食到中段變左撈麵。配料方面，廚師煮完麵倒暖湯再鋪魚皮頭、豬腩肉、蝦、蛋。全部都微凍，建議佢輕輕滾一滾湯好d。味道一般般，但虎蝦有驚喜，肉質算彈牙，香甜有蝦味，唔霉夠大隻。份量岩女仔食。最後加左杯拉茶，水吧係即場煲滾茶葉再倒杯加奶，所以茶味好濃同甘，唔岩我口味，但幾特別。結論 還好。