越華會海鮮小館 (已搬遷) 新店位置

越華會雖然叫做位於灣仔﹐但其實同銅鑼灣好近。上次一大班人食得好高興﹐主要是食蝦蟹﹐但我覺得小菜都唔弱。不過原來越華會雖然鋪仔細細查實好出名﹐週末唔訂檯唔使指意有位﹐碰了一次釘後﹐便揀了一個平日來訂檯。點了蛋白炒涼瓜、黃金炸豆腐、沙拉骨。這三樣都是上次吃過的﹐味道的確不錯﹐不過由於人少﹐我一個人吃了四、五件炸豆腐﹐四、五件沙拉骨﹐都咪話唔滯。最鍾意係蛋白炒涼瓜﹐蛋白嫩滑﹐涼瓜甘甜而不帶苦味﹐最厲害是不油膩﹐三個菜都唔太鹹﹐煎炸物的壞處是經常過鹹﹐但佢沒有這個毛病。其後看看它的餐牌﹐寫住不用味精﹐吃完後﹐我真的有點相信了。