36
8
1
餐廳: Tokio Joe
資訊:

為推動全港減鹽減糖新飲食文化及新生活態度,食物及衞生局、降低食物中鹽和糖委員會及食物環境衞生署食物安全中心推出了《少鹽、少糖、少 • 確幸》餐飲聯盟,參與食肆會提供少鹽少糖選項予顧客,部份更會提供特定減鹽減糖菜式。參與減鹽減糖食肆會獲發計劃標誌,以供張貼於店舖內,供顧客識別。詳情可在此瀏覽:https://www.fhb.gov.hk/cn/our_work/feh/rssf.html

等級4
577
0
❀ Tokio Joe #中環 ❀❗️蘭桂坊超過20年老字號 omakase驚喜多籮籮❗️——————————————————位於蘭桂坊嘅日本餐廳,裝修富有濃厚居酒屋感覺,原來已經開業超過20年。餐廳推陳出新,新穎嘅卷物一向係佢哋嘅賣點之一。而家晚市嚟到有omakase選擇,包括多種前菜、壽司、刺身、燒物,大部份味道都幾特別又好食😋環境氣氛相對輕鬆,並非高級omakase餐廳咁拘謹,甚至有啲人都會飲得幾醉,不過服務都算還好,最緊要係食物好味🤣!.✷𝑀𝑒𝓃𝓊✷☞ Matsu $1400 pp♥ 吞拿魚淮山伴生蛋黃蛋黃醬非常濃稠,撈埋滑溜嘅吞拿魚一齊食,配上爽口嘅淮山,真係好開胃☺️.♥ 前菜三道有極高質超好食嘅焗蠔,芥末蛋黃醬配上芝士真係極之濃郁。隻蠔creamy到無得頂!另外仲有紫蘇葉三文魚天婦羅🍤、鮮味左口魚包香蔥及蠔慕絲,幾特別。.♥ 鮮蟹肉海膽魚子醬跟住有個一口前菜。將三樣最鮮味嘅高質海產配埋一齊,鮮甜海水味喺口中爆發出嚟都幾滿足🥰.♥ 刺身分兩輪呈上。第一輪係薄切油甘魚配上香蔥、酸汁。呢道就相對普通。然後再有粒貝、石門貝、中拖羅、油池魚、牡丹蝦、帶子,質素不過不失。最後仲有炸蝦頭,充
更多
❀ Tokio Joe #中環 ❀
❗️蘭桂坊超過20年老字號 omakase驚喜多籮籮❗️
——————————————————
位於蘭桂坊嘅日本餐廳,裝修富有濃厚居酒屋感覺,原來已經開業超過20年。餐廳推陳出新,新穎嘅卷物一向係佢哋嘅賣點之一。而家晚市嚟到有omakase選擇,包括多種前菜、壽司刺身、燒物,大部份味道都幾特別又好食😋環境氣氛相對輕鬆,並非高級omakase餐廳咁拘謹,甚至有啲人都會飲得幾醉,不過服務都算還好,最緊要係食物好味🤣!
.
✷𝑀𝑒𝓃𝓊✷
☞ Matsu $1400 pp
♥ 吞拿魚淮山伴生蛋黃
蛋黃醬非常濃稠,撈埋滑溜嘅吞拿魚一齊食,配上爽口嘅淮山,真係好開胃☺️
吞拿魚淮山伴生蛋黃
6 瀏覽
0 讚好
0 留言

.
♥ 前菜三道
有極高質超好食嘅焗蠔,芥末蛋黃醬配上芝士真係極之濃郁。隻蠔creamy到無得頂!
另外仲有紫蘇葉三文魚天婦羅🍤、鮮味左口魚包香蔥及蠔慕絲,幾特別。
前菜三道
1 瀏覽
0 讚好
0 留言

.
♥ 鮮蟹肉海膽魚子醬
跟住有個一口前菜。
將三樣最鮮味嘅高質海產配埋一齊,鮮甜海水味喺口中爆發出嚟都幾滿足🥰
鮮蟹肉海膽魚子醬
1 瀏覽
0 讚好
0 留言

.
刺身
分兩輪呈上。
第一輪係薄切油甘魚配上香蔥、酸汁。呢道就相對普通。
油甘魚
2 瀏覽
0 讚好
0 留言

然後再有粒貝、石門貝、中拖羅、油池魚、牡丹蝦、帶子,質素不過不失。
最後仲有炸蝦頭,充滿蝦膏,幾香口。
刺身
1 瀏覽
0 讚好
0 留言
4 瀏覽
0 讚好
0 留言

.
壽司
個人認為壽司質素反而仲好,尤其有超級肥美嘅大拖羅,油香十足,一向唔好吞拿魚嘅我都極之鍾意。
刺身同飯嘅比例亦非常恰當,飯會相對細嚿少少🤏,食晒都唔會太滯。
壽司
4 瀏覽
0 讚好
0 留言

另外居然仲有一嚿辣吞拿魚脆脆飯,外圍飯粒好似米通咁香脆,中間心嘅飯粒就比較軟熟,配上大量辣辣地嘅吞拿魚茸,非常好食😋!
辣吞拿魚脆脆飯
2 瀏覽
0 讚好
0 留言

.
♥ 西京燒銀鱈魚
另一道驚為天人嘅菜式!
銀鱈魚絕對唔罕見,但烹調得咁香甜滑溜嘅真係第一次食!
魚皮微脆,肉質入口即溶,油香滿分💯配上甜甜地嘅西京燒以及千島醬,世界級好食!
西京燒銀鱈魚
2 瀏覽
0 讚好
0 留言

.
♥ 舞元菇清湯
.
♥ 茶碗蒸
蒸蛋滑到不得了,內裏亦有多種唔同餡料,高質。
——————————————————
✨整體味道: 4.2/5
✨環境裝修: 3.8/5
✨服務態度: 3.8/5
✨性價比: 3.7/5
✨再訪興趣: 3.7/5
.
💞整體來講
Omakase當中包括各式各樣嘅菜式,無一伏位,甚至有唔少都幾出色。不過留意氣氛係相對輕鬆,絕非高級餐廳vibe。但真係好味又飽肚😆幾鍾意!

(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
推介美食
吞拿魚淮山伴生蛋黃
前菜三道
鮮蟹肉海膽魚子醬
刺身
壽司
辣吞拿魚脆脆飯
西京燒銀鱈魚