未食已經聞到一股好醇厚、好濃郁嘅蘑菇香氣，唔係得牛油味，係真係由菇菌本身散發出嚟嘅天然香味，個鼻仔先享受咗第一 round。
食落去，真係要俾個 like 佢個汁！個醬汁絕對係靈魂所在，口感超級Creamy順滑，濃稠度啱啱好，可以掛住每一條意粉。味道係一種好深沉、好集中嘅蘑菇精華，鹹香之中帶住菇菌獨有嘅 鮮味，味道好有層次，完全唔會得個「漏」字。
意粉本身都煮得有咬口，唔會過淋，完美咁索晒啲蘑菇醬汁。每一啖都係菇香令人食到停唔到口！
如果你係蘑菇嘅忠實粉絲，Enchanté呢碟蘑菇意粉絕對係你嚟到必叫嘅心水之選！佢將蘑菇嘅魅力發揮到極致，簡單，但係極之好味，食完成個口都仲留住陣陣菇香，超級滿足！
