更多
2019-07-24
188 瀏覽
約了很久沒見嘅好友一聚，其實初頭還沒有甚麼心水要去哪裡用餐，不過友人說很想找一間環境有情調又近海邊的餐廳，所以即時想起了座落於蘇豪東嘅「The Salted Pig」。餐廳位於西灣河鯉景灣海旁，店內地方頗大，環境寬敞闊落，佔地 3,000 平方呎，空間感十足，估計應該可以容納約 80 位客人，加埋四周的綠色植物同擺設，裝潢帶英倫鄉村風格。除了用餐區外，原來餐廳亦另設有酒吧區，吃完飯來小酌一下也是個不錯的選擇。翻開餐桌，食物選擇非常之多，除了有小食&前菜、沙律、意粉&飯、包類之外，唔少得嘅當然仲有一系列以「豬」作為主打的菜式， 如豬肋骨、德國咸豬手、脆皮乳豬等，另外亦有多款海陸滋味菜、配菜、甜品及飲品等。先來一客小食做前菜 ，選了忌廉菠菜三角酥 ($128)，沒想到原來這客三角酥分量咁大，外皮焗至色澤金黃，入口既鬆化又酥脆，切開可以清楚見到入面塞滿香嫩嘅菠菜苗，配上巴馬臣同意大利水牛芝士，雙重芝味！芝士同菠菜嘅份量比例啱啱好，食落完全唔覺膩滯。餐廳主打特色豬肉 Fusion 菜，一場嚟到，當然唔可以錯過。其實有好多款都好想試，心大心細，和朋友商議後，最後都係決定揀歐式脆皮乳豬 ($258
約了很久沒見嘅好友一聚，其實初頭還沒有甚麼心水要去哪裡用餐，不過友人說很想找一間環境有情調又近海邊的餐廳，所以即時想起了座落於蘇豪東嘅「The Salted Pig」。
餐廳位於西灣河鯉景灣海旁，店內地方頗大，環境寬敞闊落，佔地 3,000 平方呎，空間感十足，估計應該可以容納約 80 位客人，加埋四周的綠色植物同擺設，裝潢帶英倫鄉村風格。除了用餐區外，原來餐廳亦另設有酒吧區，吃完飯來小酌一下也是個不錯的選擇。
翻開餐桌，食物選擇非常之多，除了有小食&前菜、沙律、意粉&飯、包類之外，唔少得嘅當然仲有一系列以「豬」作為主打的菜式， 如豬肋骨、德國咸豬手、脆皮乳豬等，另外亦有多款海陸滋味菜、配菜、甜品及飲品等。
先來一客小食做前菜 ，選了忌廉菠菜三角酥 ($128)，沒想到原來這客三角酥分量咁大，外皮焗至色澤金黃，入口既鬆化又酥脆，切開可以清楚見到入面塞滿香嫩嘅菠菜苗，配上巴馬臣同意大利水牛芝士，雙重芝味！芝士同菠菜嘅份量比例啱啱好，食落完全唔覺膩滯。
餐廳主打特色豬肉 Fusion 菜，一場嚟到，當然唔可以錯過。其實有好多款都好想試，心大心細，和朋友商議後，最後都係決定揀歐式脆皮乳豬 ($258)，兩個人點 1/4 隻豬啱啱好。乳豬上桌時配有薯蓉、雜菌、法邊豆及一小兜胡椒籽汁。乳豬件件都非常厚切，外皮烤得金黃亮澤，香脆可口；中間有一層薄薄嘅肥膏，食落甘香油潤又不肥膩，入面肉質超 juicy，加埋個辛辣惹味的胡椒籽汁，簡直係 perfect match。乳豬下面嘅薯蓉亦非常好吃，綿滑細膩。
接著一客烤比目魚柳、藏紅花燉飯 ($215)，魚柳的外皮烤得相當香脆，下層的魚肉亮澤雪白，片片分明，入口帶有魚汁，加上魚肉夠嫩滑又有咬口，鮮味十足。至於墊底的藏紅花燉飯，食味亦不俗，飯粒黃澄澄，入口粒粒分明、軟硬適中，不錯。飯中夾雜著三色椒，翠玉瓜，青豆同粟米等，加上上桌時熱氣騰騰，令人垂涎。
最後當然要以甜品作結，本來想點香蕉拖肥批，不過店員說今天未能供應，所以改點了一客「瘋狂！香蕉雪糕新地」($88)。新地用料非常豐富，除了有香蕉、窩夫同兩球雲呢拿雪糕外，杯內還有不少朱古力豆，加上棉花糖和忌廉等，層次分明，口感十足。這頓晚餐吃得非常愜意，這裡嘅環境不但開揚舒適，而且氣氛輕鬆，加上菜式份量頗大，適合三五知己一同分享。
張貼
