蘇媽.蘇媽馬來西亞茶餐室 (已結業)

自從幾年前去過深水埗既蘇媽，一直念念不忘，直到最近開左係尖沙咀，所以就去左試吓平日依然都係咁熱鬧，非常之多人！服務態度不錯，店員十分主動幫忙加湯，而且友善叫左個大雜錦肉骨茶$148，可以話係店內最抵食既菜色有棒棒骨，豬腳，三層肥腩，豬手，豬肚，雞腳，豆卜金菇，樣樣都炆到稔，入口即化肉骨茶湯任添，店員起碼主動幫我哋加咗三次，藥材像川穹 黨參味濃郁，超好飲！檳城亞參叻沙$58同傳統叻沙唔同，酸辣味道非常突出，惹味得很，當中有生菜同青瓜絲，也有生洋蔥同菠蘿，亦有少量肉碎，份量不少，如果加入蝦膏就更加惹味馬來西亞拉茶（熱）套餐加$17非常順滑的奶茶，只此一家！茶味濃而不澀，奶滑，正！