影片
更多
2023-09-19
719 瀏覽
晏晝食得豪，晚餐唯有食平啲同簡單啲，清清地嘅話當然係食啲湯麵食。經過呢間馬祖台灣養生湯麵館，睇睇個Menu全部都係藥膳養生湯底，感覺鬼咁養身… 一於就試下啦。晚餐時段，可以單點麵食，又或者有個一人商務套餐，當中已包含了小食、主菜、飲品。主菜有成廿款，有啲都可以配米線/手工麵或飯，真係唔知揀咩好… 最後揀咗兩個餐：L鹽酥墨魚春捲+11黑蒜藥膳農場雞米線+蜂蜜茉莉花茶同N台灣麻辣鴨血+8藥膳古早牛肉湯手工麵+愛文芒茉莉花茶食物唔夠3分鐘就熱辣辣送到，大大碗，睇落好足料，啲湯香噴噴真係有啲藥味。個農場雞米線，有4舊雞，仲有好多木耳同紅棗，湯底好香甜，亦有濃郁嘅紅棗味，飲落唔係好勁藥材味，同湯底偏油... 啲雞肉嫩滑，算係雞脾肉再搭隻雞亦，唔係雞胸，已經好感恩，米線煙韌，有咬口，唔會好糊。個牛肉湯手工麵，就有3件牛肋肉，燉到入哂味，啲肉又夠稔，另外仲有兩大舊蘿蔔，但好明顯係冇味嘅，又硬又有渣，好唔好食呀! 一啲都冇溶入碗麵到。呢個湯藥膳重啲，但都唔會好濃，飲落清甜，完全同雞湯嗰隻甜味唔一樣。手工麵非常好，唔會好稔又唔會好硬，口感好，啲湯都入到麵度，食落味道一樣。👍🏻👍🏻👍🏻兩個小食，墨魚春捲外
經過呢間馬祖台灣養生湯麵館，睇睇個Menu全部都係藥膳養生湯底，感覺鬼咁養身… 一於就試下啦。
晚餐時段，可以單點麵食，又或者有個一人商務套餐，當中已包含了小食、主菜、飲品。主菜有成廿款，有啲都可以配米線/手工麵或飯，真係唔知揀咩好…
最後揀咗兩個餐：L鹽酥墨魚春捲+11黑蒜藥膳農場雞米線+蜂蜜茉莉花茶同N台灣麻辣鴨血+8藥膳古早牛肉湯手工麵+愛文芒茉莉花茶
食物唔夠3分鐘就熱辣辣送到，大大碗，睇落好足料，啲湯香噴噴真係有啲藥味。個農場雞米線，有4舊雞，仲有好多木耳同紅棗，湯底好香甜，亦有濃郁嘅紅棗味，飲落唔係好勁藥材味，同湯底偏油... 啲雞肉嫩滑，算係雞脾肉再搭隻雞亦，唔係雞胸，已經好感恩，米線煙韌，有咬口，唔會好糊。個牛肉湯手工麵，就有3件牛肋肉，燉到入哂味，啲肉又夠稔，另外仲有兩大舊蘿蔔，但好明顯係冇味嘅，又硬又有渣，好唔好食呀! 一啲都冇溶入碗麵到。呢個湯藥膳重啲，但都唔會好濃，飲落清甜，完全同雞湯嗰隻甜味唔一樣。手工麵非常好，唔會好稔又唔會好硬，口感好，啲湯都入到麵度，食落味道一樣。👍🏻👍🏻👍🏻
兩個小食，墨魚春捲外脆內軟， 墨魚香滑，味道幾好。鴨血入味，唔算好辣，非常惹味。
整體嚟講大件抵食，一份一個女仔應該食唔哂。有機會可以試吓。
唔記得講個牛肉麵，食到尾聲，可能凍咗，就有啲一片片油凝固咗係面，即刻唔想繼續食😖😩
張貼
