尚點 小籠包.上海麵館 (麗港城商場) (已結業)

麗港城商場唔特別多野食，不過就咩菜式都有D，呢間上海野開左都一段時間，今次就來食下睇下味道如何。因為一個人都食唔到幾多野，所以都係叫左D輕食，雞絲粉皮是我最愛，呢到既都同外面相似，份量細細。我就嫌醬汁比較多左D，都算好食而且都係食下有好FRESH的感覺，呢D天氣食其實都幾好。另外我一定要食既係生煎包，三個白白大大只，見到都開心。食入口都幾香脆，算係做得幾好的點心，同埋麵粉都幾好，所以個皮食落都軟。內裡既肉就一般，都是平時食到既肉，唔特別。初次來食，少少地食2碟，感覺都可以，見到佢有D COUPON同優惠，好像$500有一疊，其中有CASH COUPON又有D野送咁。如果成日來食既朋友，可能咁買都係抵既，不過今次我就冇買了。或者下次多D朋友來，先至再考慮LA。