Hot Dog Formula (已結業)

我好鐘意食薯條。而食薯條呢方面我都好奄尖。唔粗嘅唔食。唔熱嘅唔食。乾得滯嘅唔食。無薯仔味唔食。太多鹽太多味精唔食。呢間位於淘大嘅Hot Dog Formula, 佢地嘅薯條就無以上嘅缺點。我都幾滿意。佢地有好幾款醬汁俾人揀，貪得意揀左個肉醬汁，味道有進步空間。可能我個人比較傳統，覺得薯條始終都係配茄汁好。店內仲有鹽呀胡椒粉俾客自己加，認真唔錯。