養心殿台式養生鍋 (已結業)

近排想食D高質嘅火鍋，朋友就即刻推介我去食"養心殿"。我見地點好方便，喺正港鐵將軍澳站連接嘅商場樓上，就同男友嚟食。除咗交通方便，店內亦好寬敞，全部都係長方形嘅木枱木椅，坐得好舒服。醬汁有多種選擇，我只係揀咗醬油，再加蒜汁和辣椒，已經好好味。湯底: 我地叫咗薑毌鴨&養生鴛鴦鍋。用料充足，薑毌鴨鍋入面除咗鴨肉和薑之外，仲有筍、馬蹄、蜂巢豆腐和腐皮。蜂巢豆腐充份吸晒D湯汁，更有陣陣嘅當歸味，真係好正。而養生鍋嗰面就散發住清新嘅人蔘味，再加上 紅棗、龍眼肉、蜂巢豆腐和豬紅等，既清且甜，两個湯底都好味。食物: 我地2個人，叫咗龍躉、手切牛肉、手工丸類拼盤&自家製水餃。整體質數都唔錯，物有所值。服務員姐姐全程都表現得細心兼和善，沖完茶之後會提醒客人小心滾水，又經常保持笑容，值得一讚。