蕃茄達人 (已結業)

慕名而來到中環，一嚐另一間日本過江龍嘅拉麵店。 好好彩星期六嘅午飯時間嚟，唔使排隊。立刻叫咗招牌番茄汁沾麵，差唔多等咗十幾分鐘，終於嚟到喇。拉麵嚟講，佢嘅準備時間都算長，但係冇所謂啦，一場嚟到。首先講下個麵質，幾彈牙唔錯，試一試個湯，真係好有蕃茄味，而且因為我嗌咗微辣，佢加咗一隻辣椒仔，令個湯更加惹味叉燒有兩至三塊，瘦瘦地口感唔錯。佢另外有啲叉燒粒，炒香咗好香口。當然唔少得佢嘅大量香葉， 味道唔會太勁，容易接受啲。值得一提嘅，佢有一細條小黃瓜，令到成個沾麵添上一試清新嘅感覺。