九重鮮 (已結業)

蒸蒸九層海鮮塔，我已經想食一段時間，難得由銅鑼灣放工，當然唔可以放過去試一下~~可能因為平日關係，所以唔係好需要等位，上到門口，發現有古惑的門，非常得意~~醬料有4款，除鹽同辣醬之外，另外兩款唔知係咩~~前菜，簡直好味道，是晚有大荳芽菜、泡菜、醃蘿蔔、薯仔，我個人超鍾意個薯仔，無得頂濟州柳橙汁，一支過，大大支，不過無一般橙汁甜味，反而帶少少苦味第一層 蟶子皇、象拔蚌 - 其實蟶子皇豆豉清蒸食得多，乾蒸真係第一次，朋友話有少少沙，Lucky我食無沙~第二層 扇貝第三層 海蝦第四層 北寄貝、花尾龍躉 - 朋友話未食過有殼北寄貝……重問我，北寄貝有殼架﹖ 叫得貝，唔會無殼呱﹖平時屋企打邊爐都會買龍躉，但係原來乾蒸龍躉都好好味，個皮好重骨膠原，肉亦都唔會韌第五層 花甲、大蚌、木瓜 - 大蚌、花甲超鮮甜，乾蒸簡直原汁原味，真係汁都飲埋，不過我無飲，倒返落蒸籠，因為最底層係好味粥第六層 膏蟹、青口 - 其實食到呢一層，我已經好飽，但係有蟹無理由唔食，好多膏，不過因為飽關係，所以唔係食得太乾淨，有少少覺得對蟹仔唔住XDXD第七層 鮑魚、蕃薯 - 個蕃薯極入味，吸晒上幾層海鮮甜味，鮑魚可能因為大家食得