泰Cow

營業中

休息中

住咗北區幾年，都唔知上水廣場有間泰國菜👀。一睇餐牌花多眼亂，問咗經理有乜好介紹，佢話5月限定有大頭蝦半價，就試吓啦～泰式咖哩大頭蝦 ＄99 （5月限定半價）蝦膏算濃厚，蝦頭可以啜兩啖👌。咖喱汁唔錯，不過金磚蒜蓉包先係重點！金磚蒜蓉包（4件）＄68 店員推薦用蒜蓉包點咖喱，果然OK👍。外皮幾酥脆，麵包芯軟熟，吸汁效果合格。抵讚係份量夠大件～生牛肉牛丸船粉金邊粉 ＄69 湯底濃稠度適中，掛到啲粉，味道接近泰國街頭風味。牛肉同牛丸正常發揮，呢個價錢算合理。馬拉盞炒芥蘭 ＄98 芥蘭唔算嫩口，冇想像中嗰種辣味，可能遷就本地口味？但調味都算幾好幾開胃～芒果鴛鴦糯米飯 ＄88 心形賣相幾得意💘，芒果甜糯米飯軟糯，份量好足，出手好大方凍泰式檸檬綠茶 ＄10（跟餐）椰青 ＄48 泰綠茶甜度默認偏甜，但跟返夜市風味。椰青幾清甜，解膩一流🥥！整體：半價蝦可以一試，蒜蓉包真係真係必點。經過北區想食泰菜可以考慮～另外，留意到餐牌午市系不設加一，晏晝抵玩。