星色娘惹風味 (已結業)

葵芳工廈隱世馬來西亞特式餐廳星色娘惹風味😍我同哥哥都係咖央吐司迷😍突然之間癮起！上網搵餐廳見到呢間係葵芳工廈既馬來西亞特式餐廳✨星色娘惹風味✨位置好方便地鐵站行過嚟8分鐘！黎呢度一定要食個星色常餐！因為呢個真係勁抵食😍有麵有吐司仲有小食😋我哋揀咗手撕雞星色喇沙米粉！配半份班蘭咖央醬吐司🍞小食揀咗脆炸墨魚丸😍手撕雞星色喇沙米粉雖然佢寫住細碗不過其實都好大碗😆有半隻蛋、豆卜同埋勁多雞絲！湯底濃郁惹味😜 班蘭咖央醬吐司🍞味道正宗！班蘭味好香😍另外我哋仲揀咗個馬來沙嗲三寶飯✨有扎肉、雞翼同埋勁大塊豬扒！沙嗲係另外上的！所以塊大豬扒嚟到嘅時候都仲係脆卜卜😆飲品我哋都揀咗馬來西亞最出名嘅美祿💚真係透心涼🥰呢間餐廳所有食物都足料！食完好滿足！下次要同家姐再嚟食多次先得😚