更多
2021-07-02
1598 瀏覽
又喺兩公婆完咗星期日聚會而打算即興行轉短山，打算由石籬起步，沿金山路行到去九龍水塘，再經樹木研習徑落番九龍接收水塘，之後經長坑村落美孚。所以，今日經過石蔭一帶，就偶然遇到呢一家老街坊粥鋪，捉緊機會，兩公婆就晌度簡單食個輕便午餐。睇鋪面你都見喺好舊式嗰隻，入到裡面，就喺一片懷舊色彩，格仔地磚，一支支4呎白光管，舊式日曆，仿如定格晌八、九十年代。而環視所見，嚟幫襯嘅人都喺佔上年紀嘅居多，後生嘅就得好少。近門口一左一右，一邊喺煮粥，一邊喺炸油器，除油炸鬼、牛脷酥，仲有啲舊式嘅鬆糕。而天花仲吊住一包二包嘅食材，喺啲老鋪先會咁。用啲咁嘅粉紅色紙做餐牌，又喺老鋪「專利」，好少餐廳會用啲咁「娘」嘅顏色，但就有種「老」味。食物嘅選擇一眼睇晒，有粥品、腸粉、油品、小食及飲品，仲有幾款傳統中式糖水添，定價相當親民。而枱上就放齊各款調味料，雖然老鋪，但放得整齊，唔會污污糟糟咁。晌呢啲了粥鋪食嘢，服務就無乜架喇，但啲店員阿姐都好有禮貌。魚片艇仔粥 $23 老婆嗌咗碗魚片艇仔粥，除蔥花，並伴有鹹脆花生粒。撈一撈其實都有幾多料，尤其艇仔粥，一向都喺多料嘅粥款，啲魚片亦頗鮮味，不過，佢就話粥底有少少杰，美中不足之處
睇鋪面你都見喺好舊式嗰隻，入到裡面，就喺一片懷舊色彩，格仔地磚，一支支4呎白光管，舊式日曆，仿如定格晌八、九十年代。而環視所見，嚟幫襯嘅人都喺佔上年紀嘅居多，後生嘅就得好少。
近門口一左一右，一邊喺煮粥，一邊喺炸油器，除油炸鬼、牛脷酥，仲有啲舊式嘅鬆糕。而天花仲吊住一包二包嘅食材，喺啲老鋪先會咁。
用啲咁嘅粉紅色紙做餐牌，又喺老鋪「專利」，好少餐廳會用啲咁「娘」嘅顏色，但就有種「老」味。食物嘅選擇一眼睇晒，有粥品、腸粉、油品、小食及飲品，仲有幾款傳統中式糖水添，定價相當親民。
而枱上就放齊各款調味料，雖然老鋪，但放得整齊，唔會污污糟糟咁。晌呢啲了粥鋪食嘢，服務就無乜架喇，但啲店員阿姐都好有禮貌。
魚片艇仔粥 $23 老婆嗌咗碗魚片艇仔粥，除蔥花，並伴有鹹脆花生粒。撈一撈其實都有幾多料，尤其艇仔粥，一向都喺多料嘅粥款，啲魚片亦頗鮮味，不過，佢就話粥底有少少杰，美中不足之處。
碎牛粥 $19 小弟就要咗碗碎牛粥，果然喺便宜少少，只俾得啲蔥花，無花生粒。撈一撈，粥內有好多碎牛肉，而啲碎牛肉混咗啲炸米粉，喺粥鋪嘅獨有產物。老實講，粥底綿，但確喺杰身咗少少。
炸兩 $12 因為行山關係，大家就唔食太多嘢，配一客炸兩共享就可以喇。碟炸兩包得麻麻哋就預咗喇，始終只喺賣12蚊，喺咁上下架喇，不過，入口油炸鬼仲喺脆口，始終喺現場即炸，腸粉皮又有米香，都收貨啦。
餐後，天色特然轉差，似有落大雨之勢，穩陣起見，行山就被逼取消。依家，食粥都喺去啲連鎖店多，因為，屋企附近嘅都喺啲連鎖粥鋪。啲老店粥鋪都喺賣少見少，執一間就少一間，成日都聽人講點樣點樣支持本土，支持啲小店，但真正有支持嘅人感覺就好似得好少。
張貼
