犀牛犀牛 (葵涌廣場) (已結業)

一直都好想試呢間犀牛犀牛台式小食店！而家喺唔同地區都有呢間分店，想食都好方便！今次想食個卷餅當做午餐，喺葵廣有咁多平價美食小店林立嘅地方，呢間嘢捲餅定價都幾高，雖然都算大份，不過可能當午餐食又未必足夠。莎莎炸雞捲餅$49- 捲餅質地唔算好油膩，唔似印度薄餅嗰種油酥。入面仲有層煎蛋，豐富咗口感。炸雞俾莎莎醬整淋咗啲，食唔出香脆嘅感覺。不過我都鍾意佢嘅味道，加埋辣辣地嘅莎莎醬同埋沙律菜爽脆嘅口感，感覺幾清新，唔錯。