影片
更多
2019-02-25
624 瀏覽
今日唔知點解咁有食神，幾個飯約撞埋一齊，由早食到晚， 好彩每餐都係唔同嘅特式菜啫。lunch食左小館意大利菜， tea就去酒店食cakes, 晚上呢？朋友就揀左食三汁燘鍋。入到餐廳，每枱都已經有一個吉鍋，我地研究左一陣就挑定要食牛魔煌燘鍋，事關我唔好海鮮囉， 而雞煲又已經食過好多，反而全牛鍋就未試過。不過燘鍋其實同火鍋有咩分別呢？🤔原來三汁燘鍋來頭甚勁，餐廳係根據药食同源嘅理念去設計每個鍋嘅材料，保正營養均衡，滋保養生。我見佢飲品竟然有本土手功啤酒，所以我就即刻點左桂圓啤酒，桂圓都算药食， 所以應該好配😝。朋友就點左銀菊露，雖然偏甜，但好有媽咪煲嗰種感覺。隔一陣店員就拎住一個紅色嘅大壺過嚟， 揭開原來係多層便當盒。店員會逐層逐層配料舖放在鍋中。首先頂層有一粒底油，然後第二層是五色蔬菜， 有紅棗、紅薯、蘿蔔、杞子、西芹等，全是正氣養生之選。跟住就舖上我地點嘅全牛，有牛小排、牛仔肉同牛排片。店員先會蓋上開慢火燘一會。三汁燘鍋嘅特別之處就係佢全完冇加水， 純粹靠食材在加熱後迫自身水份去燘熟，所以非常原汁原味😍👍。燘左幾分鐘後， 店員就會埋嚟將剛才一直努力攪鬆嘅香辣豉皇汁舖上面，再加蓋燘煮直至
入到餐廳，每枱都已經有一個吉鍋，我地研究左一陣就挑定要食牛魔煌燘鍋，事關我唔好海鮮囉， 而雞煲又已經食過好多，反而全牛鍋就未試過。
不過燘鍋其實同火鍋有咩分別呢？🤔原來三汁燘鍋來頭甚勁，餐廳係根據药食同源嘅理念去設計每個鍋嘅材料，保正營養均衡，滋保養生。
我見佢飲品竟然有本土手功啤酒，所以我就即刻點左桂圓啤酒，桂圓都算药食， 所以應該好配😝。朋友就點左銀菊露，雖然偏甜，但好有媽咪煲嗰種感覺。
隔一陣店員就拎住一個紅色嘅大壺過嚟， 揭開原來係多層便當盒。
店員會逐層逐層配料舖放在鍋中。首先頂層有一粒底油，然後第二層是五色蔬菜， 有紅棗、紅薯、蘿蔔、杞子、西芹等，全是正氣養生之選。跟住就舖上我地點嘅全牛，有牛小排、牛仔肉同牛排片。店員先會蓋上開慢火燘一會。三汁燘鍋嘅特別之處就係佢全完冇加水， 純粹靠食材在加熱後迫自身水份去燘熟，所以非常原汁原味😍👍。
燘左幾分鐘後， 店員就會埋嚟將剛才一直努力攪鬆嘅香辣豉皇汁舖上面，再加蓋燘煮直至醬汁溶化，牛肉都煮熟，最後再入莞茜就食得喇。
牛助骨好有牛味，配上香香辣辣嘅醬汁，幾惹味。底下嘅蔬菜配料亦好豐富，我最like紅薯， 質地綿密軟糯。
牛肉份量幾多， 所以我地就只追加左三樣：蒿荀、鮮淮山同冰豆腐。鮮淮山好好味，蒿荀爽脆，而冰豆腐索哂啲湯汁超正。
結果又食到捧住個肚走！
張貼
