11
1
1
餐廳: 華麗耆素
資訊:

社企滋味 feel so good!

Click 入 選擇喜愛的社企餐廳。

如欲了解更多關於社企的資料,可瀏覽此網址

等級4
224
2
2018-06-13 1175 瀏覽
最近因工作原故,多左接觸素食,呢一日有幸黎到O Veggie-華麗耆素,佢係銀杏館旗下嘅一間素食餐廳,位於火炭工業區,開業約兩年多。佢地呢個集團專門聘請長者工作,豐盛人生~我欣賞佢地既理念係提倡素食,希望將健康訊息宣揚出去係呢餐既過程中見到店長同員工都好享受工作,會樂於介紹新產品比客人,又會同客人分享開心事除咗提供食物,仲有售賣銀杏館自家品牌嘅一啲素食材料同埋食材佢哋有自家農場種植有機蔬菜,供應返比旗下餐廳,冇化學肥料,保證天然每日有29款菜式選擇,中西泰日韓乜都有!我同幾個同事黎食,叫左好多款式,每一個都印象深刻!.港式蜜味素叉燒配地道薑粒菜脯炒飯  $58呢個係最受歡迎嘅菜式之一,叉燒整到同真嘅一樣,如果瞌埋眼食,都未必分別到外脆內軟,外層仲塗上左蜜糖,酸酸甜甜咁好滋味。個飯係糙米,紅米,珍珠米,最特色加入左薑米,菜脯粒,增加口感因為菜脯粒咸咸地,所以令個飯都有味道,但唔會over左。是日餐湯 冬瓜薏米甘筍粟米湯簡單,家常,好味道,呢個就係幸福既感覺加$5就可以無限享用湯水同埋咖啡/茶湯清甜多料冇味精!!我會想日日都飲到,仲好消暑!日日都唔一樣添樂活素漢堡  $68夾住兩塊由黃豆
更多
最近因工作原故,多左接觸素食,呢一日有幸黎到O Veggie-華麗耆素,佢係銀杏館旗下嘅一間素食餐廳,位於火炭工業區,開業約兩年多。
53 瀏覽
0 讚好
0 留言
佢地呢個集團專門聘請長者工作,豐盛人生~

我欣賞佢地既理念係提倡素食,希望將健康訊息宣揚出去

係呢餐既過程中見到店長同員工都好享受工作,會樂於介紹新產品比客人,又會同客人分享開心事

除咗提供食物,仲有售賣銀杏館自家品牌嘅一啲素食材料同埋食材
36 瀏覽
0 讚好
0 留言
佢哋有自家農場種植有機蔬菜,供應返比旗下餐廳,冇化學肥料,保證天然

每日有29款菜式選擇,中西泰日韓乜都有!

76 瀏覽
0 讚好
0 留言
我同幾個同事黎食,叫左好多款式,每一個都印象深刻!
.
港式蜜味素叉燒配地道薑粒菜脯炒飯  $58
港式蜜味素叉燒配地道薑粒菜脯炒飯
$58
43 瀏覽
0 讚好
0 留言
呢個係最受歡迎嘅菜式之一,叉燒整到同真嘅一樣,如果瞌埋眼食,都未必分別到
外脆內軟,外層仲塗上左蜜糖,酸酸甜甜咁好滋味。
港式蜜味素叉燒配地道薑粒菜脯炒飯
$58
54 瀏覽
0 讚好
0 留言
個飯係糙米,紅米,珍珠米,最特色加入左薑米,菜脯粒,增加口感
因為菜脯粒咸咸地,所以令個飯都有味道,但唔會over左。
是日餐湯 冬瓜薏米甘筍粟米湯
是日餐湯-冬瓜薏米甘筍粟米湯
44 瀏覽
0 讚好
0 留言
簡單,家常,好味道,呢個就係幸福既感覺

43 瀏覽
0 讚好
0 留言
加$5就可以無限享用湯水同埋咖啡/茶
46 瀏覽
0 讚好
0 留言
湯清甜多料冇味精!!
我會想日日都飲到,仲好消暑!日日都唔一樣添

樂活素漢堡  $68
樂活素漢堡
$68
51 瀏覽
0 讚好
0 留言
夾住兩塊由黃豆打成嘅素肉,加以調味,放入黑胡椒,模彷緊黑椒牛扒。中間仲夾左一塊菠蘿,減輕左素肉嘅飽滯感。另外仲有好多雜菌,香菇夾左係入邊,素漢堡扒同時吸收左菇菌嘅汁,味道濃郁
塗上千島醬汁,酸酸甜甜,配素肉食好開胃~跟餐嘅薯角炸到金黃香脆,有埋沙律菜伴碟,平衡健康
麵包烘得好香脆,脹卜卜,而且個包仲甜甜地!
蒜香韓風石鍋飯 $68
蒜香韓風石鍋飯
$68
47 瀏覽
0 讚好
0 留言
真係用咗石頭鍋呈上,上枱熱辣辣!係三色飯底,配菜就跟住時令配搭,七彩繽紛~農場供應咩菜就會放啲咩,保證最新鮮最當做!

當日食到嘅係大豆芽,油麥菜同埋青瓜。大豆芽好粗壯,油麥菜好清甜,青瓜好爽口
重點係放埋韓式泡菜,石鍋飯絕不能缺少嘅
泡菜有少少辣;面頭模仿肉燥嘅係由冬菇椗制成,調味鹹鹹地,配埋其他清新嘅蔬菜,增加左味道嘅層次

手作健康三色藜麥紫菜壽司卷 $50
手作健康三色藜麥紫菜壽司卷
$50
55 瀏覽
1 讚好
0 留言
由糙米,紅米,珍珠米同埋藜麥捲製,好健康!配埋壽司醋食,略覺得乾左小小,但絕對飽肚,味道都OK 

印尼炒飯 $48 
印尼炒飯
36 瀏覽
0 讚好
0 留言
炒飯入面混入左素香腸粒,素叉燒粒同埋少少薑炒成,口感豐富,味道模仿緊印尼嘅炒飯,帶出少少薑味,唔油,夾雜咗好多配料
炒飯仲炒得乾身,飯粒粒分明~放左隻煎太陽蛋係面,相當吸睛

.
呢一餐比我感受到既唔止係廚師用心烹煮既美食,更多既係愛!

我真心有感動到,同個到D長者員工傾計,佢地唔認識我,但係會關心我;唔想我影咁多相,想我快D食,因為佢地唔想我食到凍野,想我食到最好!
服務方面,唔洗多講絕對賓至如歸!
環境闊落舒服,仲有園林山景,可惜呢日落大雨,如果唔係景觀確令人心情舒暢!
價錢超合理,$40-$60食到高質,足份量既餐點,性價比極高!
77 瀏覽
0 讚好
0 留言
香港好食又值得推介既餐廳唔少,但同時經營得有意義既餐廳唔多;
華麗耆素,雖然地理位置唔算方便,但真心希望每一個睇到呢篇食評既大家有機會黎一試,支持一下這班長者,支持一下值得支持的餐廳,不要讓他們漸漸消失。
題外話/補充資料: 後來知道原來銀杏館並不是社會企業,而是創辦人希望對社會有所回饋而自資經營的,那份心意更令我為之感動
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2018-06-12
用餐途徑
堂食
人均消費
$60 (午餐)
推介美食
港式蜜味素叉燒配地道薑粒菜脯炒飯
$ 58
港式蜜味素叉燒配地道薑粒菜脯炒飯
$ 58
是日餐湯-冬瓜薏米甘筍粟米湯
樂活素漢堡
$ 68
蒜香韓風石鍋飯
$ 68
手作健康三色藜麥紫菜壽司卷
$ 50
印尼炒飯
  • 素卡邦尼意粉