Délifrance (香港紗廠工業大廈)

昨晚和男朋友放工來食Delifrance，好耐無食過啦 記得它的下午茶四色baguette 多士好正。今晚我地叫左個二人set，有兩個主菜，餐湯或沙律同兩杯飲品。包特飲所以我地叫了兩杯芒果熱情果疏打，幾好飲，夠甜我喜歡。

餐湯男朋友飲的是番茄湯。應該一般啦。我要的沙律有番茄，菜同提子乾落了胡麻醬，ok的。有提子乾有少少口感。

主菜方面我就選了菠菜雞肉螺絲粉。螺絲粉比想像中好食，索左忌廉白汁好creamy，雞扒好大塊，仲加左核桃碎，好焦脆！
男朋友要的是Carbonara，應該都不過不失！

最後跟個甜品蝴蝶酥，好食。