紅燈籠 (已結業)

朋友減肥想食少啲碳水，見到菜花飯佢想食好耐，所以佢食菜花飯，朋友話菜花飯份量好多好飽食唔晒，下次要叫少花，細食者要留意下，叫菜花飯可以叫少花，以免食唔晒。咖喱吉列豬扒定食吉列豬扒即叫即炸要等十五至二十分鐘，豬扒質素正常，大小適中，酒味有點重，應該用酒醃過，本人唔太鍾意重酒味，配菜有少少椰菜紅蘿蔔片，咖喱汁少，味道甜，飯味一般。呢間舖頭因為無水吧，所以跟餐飲品選擇只有汔水和紙包飲品。總結味道不過不失，68蚊咖哩吉豬飯唔算抵。但如果戒碳水，想食菜花飯，推薦黎呢度食，畢竟好少餐廳有。*菜花飯要加十蚊