家傳滬曉 (已結業)

第一次黎超級城，諗住食下上海野，係openrice見到呢間，menu見到有個麻醬撈麵，諗住叫黎試下，叫之前問過侍應碟麵係熱定凍，跟住佢窒左一窒，答我「熱」，咁我就叫左。點知佢上菜嗰陣，比左一碗麵，入面有啲雞同青瓜，麻醬另上，已心知不妙，點知全部野都係凍，雖然唔係雪櫃拎出嚟，但都唔會叫做「熱」掛。啲麻醬仲要係超市買到嘅日式麻醬，乜我唔係食緊上海野咩🤔希望侍應哥哥能夠諗清楚先答客人，如果唔清楚可以問下其他職員或廚房，幾秒鐘我等得喎。朋友叫左個上海粗炒（熱嘅），不過贈送眼睫毛一條，肉絲係肉碎，我諗因為係粗炒所以啲肉絲炒碎晒😏。味係正常，但食完成碟油，食完應該可以紓緩便秘💩