更多
2020-08-14
2744 瀏覽
早前晌疫情未爆第三波之時，趁行完山過咗嚟「饒宗頤文化館」嘅「悅滿軒」食咗個下午茶，由上路行落嚟時發覺原來仲有家咖啡店「Pacific Coffee」開晌度（但佢門口會寫住「Workshop Cafe」），住咁耐美孚都無為意，平常去「Pacific Coffee」通常都喺去曼克頓山嘅分店，夠大夠舒服。不過，近來疫情反彈，等老婆安心啲，就當行個短山，上嚟饒宗頤分店試試。「饒宗頤文化館」早前做過隔離營，不過，查實都開放番一段日子，但就好少人知道，故極之少人上嚟，上次嚟已唔多覺有人，今次再嚟都喺好少人，環境非常幽靜。原本都打算揀吓啲露天位坐，懶喺文青，之但喺齋坐唔郁都會標汗，所以，乖乖入番去涼吓冷氣。走到店內，跟一般見到嘅「Pacific Coffee」格局無咩分別，所以，就唔多描述，大家睇相都知，但要講嘅喺地方都幾大吓。同個店員傾兩句，佢話呢間店每日都喺得兩、三枱客，所以，場內唔少座位都封起嚟，食物嘅選擇選比其他分店少好。既來之，則安之，費事落番去曼克頓山分店。晌牆上，見到有好幾款新產品推介，飲品方面，甚麼雲泡系列，好似幾特別。而食物方面，店員話呢間店因客流問題供應唔到，所以，感覺有少少可惜
「饒宗頤文化館」早前做過隔離營，不過，查實都開放番一段日子，但就好少人知道，故極之少人上嚟，上次嚟已唔多覺有人，今次再嚟都喺好少人，環境非常幽靜。原本都打算揀吓啲露天位坐，懶喺文青，之但喺齋坐唔郁都會標汗，所以，乖乖入番去涼吓冷氣。
走到店內，跟一般見到嘅「Pacific Coffee」格局無咩分別，所以，就唔多描述，大家睇相都知，但要講嘅喺地方都幾大吓。
同個店員傾兩句，佢話呢間店每日都喺得兩、三枱客，所以，場內唔少座位都封起嚟，食物嘅選擇選比其他分店少好。既來之，則安之，費事落番去曼克頓山分店。
晌牆上，見到有好幾款新產品推介，飲品方面，甚麼雲泡系列，好似幾特別。而食物方面，店員話呢間店因客流問題供應唔到，所以，感覺有少少可惜。
咖啡雲泡紅豆奶茶 $42咖啡、奶茶一向喺小弟嘅喜好，呢杯變相「鴛鴦」就合晒我心水。面頭一層咖啡雲泡，底下又有不少紅豆，比起一般咖啡製作工序都麻煩咗。先啜一口面層嘅咖啡雲泡，入口順滑綿密，咖啡味香醇，再繼而飲啖以紅茶製作嘅奶茶，唔差喎，茶底幽香，夠濃郁，有茶記嘅風味，加上粒粒清甜嘅紅豆，都可以算喺完美組合。
咖啡雲泡紅豆奶茶
$42
9 瀏覽
0 讚好
0 留言
老婆就糾結於揀「抹茶雲泡紅豆烏龍奶茶」定「香蕉朱古力雲泡燕麥奶配啫喱」 ，最後，都喺揀前者，因為佢覺得紅豆都喺配抹茶會夾啲。外觀就真喺好靚喇，一層疊一層，層次鮮明，面頭嘅抹茶雲泡真喺好得，抹茶嘅味道濃郁而帶微甘，下面嘅奶茶以烏龍茶製作，茶香得嚟有份甘醇，配搭埋紅豆粒粒，老婆大讚！
抹茶雲泡紅豆烏龍奶茶
$42
5 瀏覽
0 讚好
0 留言
我哋晌Pacific Coffee試過唔少佢哋嘅烤批或蛋批，印象中都甚有水準，所以，今次都選定其中一款食物為蛋批。批殼厚薄適中，因為翻熱過，所以，口感仍做到鬆脆，批內填滿芝士蛋漿、煙肉，而煙肉唔喺平常所講嗰啲薄薄一片嘅煙肉，可以講喺一啲煙燻豬肉，所以，入口鹹香不膩，整體食味一俗。
煙三文魚配蛋沙律三文治 $23本應份三文治凍食喺應會好啲，但飲凍飲喺老婆極限，再嚟一份凍嘅三文治就可能對佢腸胃太大負擔，所以，三文治就要求稍微烘暖。打側睇就見到爆晒餡，蛋沙律本身已幾濃厚，加上煙三文魚嘅鹹香，味道就更有層次。
外面天氣熱辣辣，而裡面就涼朕朕，仲嘆住杯凍飲，真喺唔舍得郁。加上清幽嘅環境，就當自己去咗旅行，晌啲小村落打緊躉。
張貼
