茶理史

行過葵廣呢個美食天堂搵嘢食
咁岩就見到 茶理史 開咗
之前行過都見佢地準備緊
今次就梗係二話不說咁去買杯嘢飲下先

佢地的選擇有好多
除咗有奶茶之外，仲有雪耳同紅棗的養生嘢飲

同朋友一人一杯
今次叫咗草莓鮮奶地瓜小芋圓同木瓜鮮奶地瓜小芋圓
我飲的係草莓鮮奶個杯，叫咗小甜
就咁望杯嘢都已經好靚

飲落好香士多啤梨味之餘，仲會食到有士多啤梨
牛奶同士多啤梨味又岩岩好

另外不得不讚的係佢地的小芋圓！
真係食到有芋頭感覺，好真材實料！

雖然飲完一杯已經好飽，但值得的！