滿屋日本料理 (大鴻輝(荃灣)中心) (已結業)

通常食放題都唔會expect 啲食物有幾好味🫢主要食個種類同滿足感，但呢度啲松葉蟹腳同海膽真係唔錯，蟹腳剪開一大條，肥美又鮮甜，就算有時去食自助餐都無咁高質素，我哋至少食咗十幾份🤤海膽亦都係比想像中好，新鮮無苦澀味～大中拖羅食得好滿足，睇賣相都知唔差😚大赤蝦同帶子竟然A餐都已經包埋，我覺得好食過壽x郎😳鵝肝煎得唔錯不過比較油。另外比較特別嘅小龍蝦同避風塘炒蟹，味道值得一讚👍🏻小龍蝦夠曬香辣好入味，但無手套提供，食得有啲麻煩，避風塘炒蟹亦都非常惹味。