更多
2021-10-21
902 瀏覽
今日同朋友行開荃灣見到間新間嘅韓國餐廳就走左入去試下。佢哋用不銹鋼嘅餐具， 有種去咗韓國嘅感覺。枱上面已經有一壺涼水可以自己斟嚟飲，一坐低侍應已經好快放低左四碟前菜，有芽菜泡菜青瓜同醃蘿蔔，當中最鐘意醃蘿蔔，係平時食炸雞最鍾意配嘅酸蘿蔔，非常開胃，前菜仲可以Refill！因為見Menu 叫是旦一樣嘢都可以加錢就有嘢飲，原價$36嘅特色飲品淨係加$18就得，喺而家台飲都唔只三十蚊嘅情況下真係幾抵。叫左杯益力多乳酪沙冰，估唔到黎到個樣同menu居然一樣，有忌廉仲有薄荷葉裝飾，超級igable。 味道冇因為佢係沙冰而淡咗，飲落依然咁濃郁，乳酪嘅香濃配埋上面嘅微甜嘅忌廉別有一番風味。飲住杯嘢等咗冇耐食物就好快到，因為得兩個人，所以我哋只係嗌咗半份蜂蜜柚子味炸雞$86，炸雞新鮮熱辣咁嚟到，上面淋住一啲甜甜辣辣嘅醬汁，食落好惹味，不過食嘅時候要小心啲，如果唔係好容易燙親個嘴， 雖然唔係無骨嘅炸雞，但係骨嘅份量都唔算多，食落依然係啖啖肉。仲叫咗個泡菜煎餅$68，泡菜煎餅比較薄所以個邊位會煎得特別香脆， 有啲似中式嘅薄撐，但係多咗啲煙韌嘅感覺，美中不足係泡菜味唔夠重，不過可以自己DIY加啲泡菜上去。之
佢哋用不銹鋼嘅餐具， 有種去咗韓國嘅感覺。枱上面已經有一壺涼水可以自己斟嚟飲，一坐低侍應已經好快放低左四碟前菜，有芽菜泡菜青瓜同醃蘿蔔，當中最鐘意醃蘿蔔，係平時食炸雞最鍾意配嘅酸蘿蔔，非常開胃，前菜仲可以Refill！
因為見Menu 叫是旦一樣嘢都可以加錢就有嘢飲，原價$36嘅特色飲品淨係加$18就得，喺而家台飲都唔只三十蚊嘅情況下真係幾抵。叫左杯益力多乳酪沙冰，估唔到黎到個樣同menu居然一樣，有忌廉仲有薄荷葉裝飾，超級igable。 味道冇因為佢係沙冰而淡咗，飲落依然咁濃郁，乳酪嘅香濃配埋上面嘅微甜嘅忌廉別有一番風味。
飲住杯嘢等咗冇耐食物就好快到，因為得兩個人，所以我哋只係嗌咗半份蜂蜜柚子味炸雞$86，炸雞新鮮熱辣咁嚟到，上面淋住一啲甜甜辣辣嘅醬汁，食落好惹味，不過食嘅時候要小心啲，如果唔係好容易燙親個嘴， 雖然唔係無骨嘅炸雞，但係骨嘅份量都唔算多，食落依然係啖啖肉。
仲叫咗個泡菜煎餅$68，泡菜煎餅比較薄所以個邊位會煎得特別香脆， 有啲似中式嘅薄撐，但係多咗啲煙韌嘅感覺，美中不足係泡菜味唔夠重，不過可以自己DIY加啲泡菜上去。
之後人蔘雞湯$88就到啦，估唔到幾大煲，裏面居然有一條都幾長嘅人參，而且裏面仲有成隻雞嘅雞肉，喺稍微轉涼嘅天氣，飲返啲暖笠笠嘅雞湯就最適合啦。雞湯嘅味道好夠濃，飲到人參嘅甘甜，仲有一啲煮到好軟綿嘅糯米同栗子，紅棗食落都幾甜下。比較特別嘅位係侍應仲畀左一兜芝麻油鹽，可以加落個雞湯度，令到個湯嘅香味更有層次。
一餐圓滿嘅韓國菜當然唔少得甜品啦，叫咗一個抹茶戚風蛋糕$32同傳統煎糖餅$58
叫咗甜品後上,所以煎糖餅嚟到嘅時候仲係熱辣辣，裏面嘅糖餡切開仲會有流心嘅效果，食落除咗有紅糖嘅香氣，仲有肉桂味，外皮咬落煙煙靭靭。佢仲有配雪糕嘅版本，下次會想試下。
抹茶戚風蛋糕嘅賣相都好吸引，雖然抹茶味唔算好濃，但係配嘅忌廉好香牛奶味，戚風亦都好鬆軟。整體嚟講呢間餐廳嘅性價比唔錯, 見到隔離枱叫咗韓式粉絲嚟到超大碟，仲要晚市都冇加一，係同朋友傾計食飯嘅好地方。
張貼
