味珍閣茶餐廳 (已結業)

路組荃灣，先醫醫肚，個人較愛茶記，搵左呢間荃灣情懷，適逢午市已經好多食客，多謝服務員姐姐幫忙搵左個幾好的自閉位俾我食飯用。睇餐牌太花多眼亂，最後叫左個咖哩雞扒飯配紅豆冰，服務員姐姐黎問飲唔飲湯，我話好呀。先上湯，唔會太油，幾好喎。然後係主菜咖哩雞扒飯，好在飯量適中，如果唔係怕食唔曬會浪費，咖哩同雞扒都好正，咖哩唔會太辣，濃味，雞扒鬆軟，唔硬身，食到好感動，份量又足。食完主菜試紅豆冰，紅豆粒粒都夠淋，入口即溶。埋單前再加杯熱奶茶行街，正，我決定強烈同朋友推薦呢間茶記。