茶餐廳2.0 (已結業)

去茶記點可以唔飲奶茶？不過今次係飲黑糖珍珠奶茶！平時一般嘅茶餐廳就算真係有奶茶飲，味道都唔及正宗嘅手調飲品店，但係呢間舖頭絕對唔講得笑。我覺得佢嘅黑糖珍珠奶茶居然沖到恰到好處，黑糖同牛奶比例啱啱好，兩者互相唔會搶風頭，飲落去好和諧味道好夾！另外叫咗個石鍋卡邦尼烏冬，忌廉芝士喺石鍋裏面不停翻滾着，滑嘟嘟嘅烏冬加埋充滿芝士香味嘅配料，令人垂涎欲滴，即刻夾多兩啖。令我最覺得出奇，响呢度有港式雞蛋仔，仲要係即叫即烘，真係非常欣賞。熱辣辣嘅雞蛋仔配上雜果同埋雲呢拿雪糕，真係人生一大樂事。