更多
2016-09-07
1701 瀏覽
又係朋友嘅推介之下一試觀塘工業區嘅上樓餐廳，餐廳樓下就都係普通工業大廈格局啦，但係上到餐廳入面原來別有洞天，簡約風嘅木製家品充斥著成個場地，好舒適，最鐘意中間張三角形既大餐枱，形格得黎又夠大張，好鐘意餐廳呢個風格。點完野食之後就出左去外面個大騎樓睇吓，呢間餐廳個騎樓同入面係差唔多一樣大既，目測每邊都應該有成千幾二千呎，可以包場玩就爽歪歪嘞。先黎既係火燒原棵羅馬生菜，我見有隻叫冬蔭功沙律汁咁特別梗係即揀啦，羅馬生菜新鮮爽脆，被火微微燒過帶啲火炙既香口，個汁其實比較似千島汁，帶有微微既冬蔭公味。炸蝦肉釀雞翼珍寶珠，賣相令我諗起里約奧運團體韻律泳 嘅泳手， 廚師用一流既刀功將雞翼起單邊骨，再喺入面釀滿蝦肉，炸得外層雞皮酥脆，內層鮮蝦彈牙，再點下佢提供嗰兩隻醬汁，惹味。慢煮加拿大豬鞍併甜酸炆豬腩，加拿大豬鞍經過慢煮呢個處理方法令到豬肉特別嫩滑，而且將豬味緊緊咁鎖喺嫩滑既肉質入面。炆豬腩頂層油脂豐富，增添口感，底層瘦肉部分炆得好淋好入味。這裏竟有近來大熱，被時代雜誌選為全球50大健康食品之一既南非茶，臨走當然要嘆番杯啦，嗌左 Blueberry Rooibas，南非茶是咪真係咁神可以阻止癌細胞
又係朋友嘅推介之下一試觀塘工業區嘅上樓餐廳，餐廳樓下就都係普通工業大廈格局啦，但係上到餐廳入面原來別有洞天，簡約風嘅木製家品充斥著成個場地，好舒適，最鐘意中間張三角形既大餐枱，形格得黎又夠大張，好鐘意餐廳呢個風格。
點完野食之後就出左去外面個大騎樓睇吓，呢間餐廳個騎樓同入面係差唔多一樣大既，目測每邊都應該有成千幾二千呎，可以包場玩就爽歪歪嘞。
先黎既係火燒原棵羅馬生菜，我見有隻叫冬蔭功沙律汁咁特別梗係即揀啦，羅馬生菜新鮮爽脆，被火微微燒過帶啲火炙既香口，個汁其實比較似千島汁，帶有微微既冬蔭公味。
炸蝦肉釀雞翼珍寶珠，賣相令我諗起里約奧運團體韻律泳 嘅泳手， 廚師用一流既刀功將雞翼起單邊骨，再喺入面釀滿蝦肉，炸得外層雞皮酥脆，內層鮮蝦彈牙，再點下佢提供嗰兩隻醬汁，惹味。
慢煮加拿大豬鞍併甜酸炆豬腩，加拿大豬鞍經過慢煮呢個處理方法令到豬肉特別嫩滑，而且將豬味緊緊咁鎖喺嫩滑既肉質入面。炆豬腩頂層油脂豐富，增添口感，底層瘦肉部分炆得好淋好入味。
這裏竟有近來大熱，被時代雜誌選為全球50大健康食品之一既南非茶，臨走當然要嘆番杯啦，嗌左 Blueberry Rooibas，南非茶是咪真係咁神可以阻止癌細胞的繁殖，並促使癌細胞 ‘自我毀滅’ 暫且唔講，但係佢未上枱已經聞到嘅香氣，加上入口如絲質一般嘅順滑，都經已係一個好好既享受。下次黎再試埋佢個慢煮西冷先。
張貼
