Séan Cafe (已結業)

原本都係尖沙咀果頭行街，係好突發性咁上網睇下有咩cafe可以食野休息下。純粹見到呢間cafe既環境相片好吸引就打左電話去book,但我都係提早一個鐘，所以都係撞彩。店員都好有禮貌咁幫我留位但都講明唔一定有。一去到見個門口已經係一個打卡位，成個門口都係落地玻璃，門面設計好有心思，係一間花系cafe😍店舖入面既擺設都係以花為主，雖然面積好細，但睇得出花左唔少心思佈置。員工好有禮貌遞上餐牌同iPad 點餐，但店舖較少座位，如果夜晚來既都建議book定位。