半熟工房 (已結業)

剛試完另一家芝士撻即時變左芝士撻迷，黃昏再去附近這家半熟工房買來試試。這家品牌的芝士撻$22一個，比另一品牌的要大一些。看店內介紹這撻是用法國牛油及日本芝士做的，眼觀個撻好豐滿感覺好流心軟滑。我試左原味芝士撻及綠茶芝士撻兩款：原味芝士撻好香濃，個牛油撻皮可做得稍稍厚身返D會更好。個半熟芝士餡有綿綿的口感。個人覺得跟另一家的幼滑芝士口感不同，但各有特色，兩者我都喜歡。綠茶芝士撻，加入綠茶味道，有濃濃嘅綠茶香但不會搶晒芝士嘅味道，平衡做得幾好。口感比原味的實少少，好rich。外賣左一盒同屋企人分享，但老公好夜先返，第二日個撻已經淋左變形，翻熱個撻皮都救唔返只好用匙羹品嘗。