更多
2019-03-23
2133 瀏覽
身為芝士控，星期六帶女朋友黎呢間Americano食邪惡既熱溶芝士漢堡，是常識吧？先唔講食物，地方環境加爆分！霓虹logo打卡係基本啦！仲有環境音樂，一個字fit！今次我地叫咗兩個set din再加一個熱溶芝士漢堡，真係飽到嘔....Set din跟兩個餐湯，我地叫咗薯仔湯，抵讚既係唔會太鹹，唔會好似出面餐廳咁重味精！我地三扒兩撥就清咗啲餐湯。好啦入正題，我地分別叫咗德州燒烤牛肉漢堡配薯條（$138）同埋招牌脆皮鹹豬手配薯條（$158）。先講德州燒烤牛肉漢堡，入面係手打安格斯牛肉，8-9成熟，入口香軟，冇牛臊味不特止，濃烈既牛肉味中仲有淡淡既青草味，高級牛肉無誤。入漢堡入面仲有幾塊洋蔥圈，外脆內軟。配搭埋牛肉既軟熟，多種層次口感爆發係口腔，豐富到無以復加！個人覺得最畫龍點睛既就係燒烤醬同烤煙肉，煙頭烤到香脆有焦，加上秘製既德州燒烤醬，一啖香脆既薯條，一啖惹味既漢堡，果然十足外國風味！之後到我既招牌脆皮鹹豬手配薯條。以前有幸去德國旅行試過名菜鹹豬手，一直念念不忘，估唔到可以係呢度搵到超越德國既德國鹹豬手。德國鹹豬手有一個特點，就係脆同硬，無論係層皮定係肉既質地，都係又脆又硬。但肉質係咁的
先唔講食物，地方環境加爆分！霓虹logo打卡係基本啦！仲有環境音樂，一個字fit！
今次我地叫咗兩個set din再加一個熱溶芝士漢堡，真係飽到嘔....
Set din跟兩個餐湯，我地叫咗薯仔湯，抵讚既係唔會太鹹，唔會好似出面餐廳咁重味精！我地三扒兩撥就清咗啲餐湯。
好啦入正題，我地分別叫咗德州燒烤牛肉漢堡配薯條（$138）同埋招牌脆皮鹹豬手配薯條（$158）。
先講德州燒烤牛肉漢堡，入面係手打安格斯牛肉，8-9成熟，入口香軟，冇牛臊味不特止，濃烈既牛肉味中仲有淡淡既青草味，高級牛肉無誤。入漢堡入面仲有幾塊洋蔥圈，外脆內軟。配搭埋牛肉既軟熟，多種層次口感爆發係口腔，豐富到無以復加！個人覺得最畫龍點睛既就係燒烤醬同烤煙肉，煙頭烤到香脆有焦，加上秘製既德州燒烤醬，一啖香脆既薯條，一啖惹味既漢堡，果然十足外國風味！
之後到我既招牌脆皮鹹豬手配薯條。以前有幸去德國旅行試過名菜鹹豬手，一直念念不忘，估唔到可以係呢度搵到超越德國既德國鹹豬手。德國鹹豬手有一個特點，就係脆同硬，無論係層皮定係肉既質地，都係又脆又硬。但肉質係咁的話就大打折扣。然後，呢一間既招牌脆皮鹹豬手，居然係做得到皮脆肉軟既神奇效果！外層表皮燒到脆卜卜，一咬落去就好似食緊脆皮豬肉乾咁，口感一流。肉質先係精萃，外層咁脆，裡面既肉質居然保持嫩滑，實在係鬼斧神工，一定要食！不過話明鹹豬手，唔食得鹹既朋友就要諗清楚啦！
最後最後登場既係熱溶拉可雷特芝士漢堡($108)。大佬果然係最後先登場，除咗芝士仲有好大塊既薯餅！為咗消除油膩感，漢堡包入面仲有一條切開兩邊既德國香草腸；一啖咬落去，芝士既濃郁，薯餅既邪惡都俾條腸既淡淡香草味淨化，另人不自覺咁食咗一啖又一啖。
唔知係咪太開胃，我地追加咗個水牛城芝士辣雞翼（$64）。
小小辣得黎又配上刺激味蕾既酸忌廉芝士醬，激發出唔同層級既味道，十分不俗。
嘢飲方面我地試咗抹茶豆奶同蘋果茶。抹茶豆奶真係比較少見，但濃郁既豆味同抹茶我可以講話係perfect match！一啲都唔濟！而蘋果茶係用咗新鮮粒粒蘋果醬沖出黎，唔係出面飲既人造添加劑，健康得黎又低讚！
最後埋單五百頭，以西餐可以食到嘔黎講，加上環境同食物質素，絕對係可以回鍋既高cp首選！
張貼
