兩姊妹涼皮有限公司 (柏樹街) (已搬遷) 新店位置

每次經過太子，都會幫襯依間涼皮，店舖以外賣為主，裝修不起眼，但係食物水準超高！涼皮$28未食過咁好食嘅涼皮，口感超滑同冰涼，總會掛汁好入味，煙煙韌韌，唔會好似平時嗰啲好重「粉」咁。中辣辣度夠又野味！配料亦豐富，有芫荽、蔥、花生、青瓜絲、爆脆豌豆，啲豆唔係講笑，真係好脆，正！整碗份量好充足，食到飽肚！椒麻雞$52叫左中辣，椒麻越食越辣好過癮。雞好滑，有雞脾、雞翅、雞胸等等，好似手撕雞咁咩都有啲，每一件雞都好入味，而整碗份量適中唔算多。