My Little Coffee: Coffeehouse & Roasters (已搬遷) 新店位置

星期日嘅中午, 想係尖咀靜靜地慢吞吞咁食一份豐富嘅brunch, 嘆一杯香口嘅咖啡, 黎呢度係一個唔錯嘅選擇。而且呢度仲係一間良心小店, 點解?因為佢地聘請左聽障人士, 真係好有心。雖然細細間, 但環境佈置好舒服好安靜, 難得星期日中午都唔會好多人, 可以慢慢嘆個早餐。All day breakfast真係好豐富, 迫到隻碟滿晒, 而且每一樣都好好食。呢個烤芝士波特菇配牛肝菌黑松露意粉, 見到已經覺得好吸引。基本上芝士黑松露配portabello已經無得輸, 唯一"輸"嘅位係意粉淋左少少, 雖然未至於好易斷開個種, 但我比較鐘意有少少嚼勁嘅意粉。我地叫左flat white同cappuccino, 都幾好飲, 但如果有拉花就仲好啦~食完仲可以坐係度做下野, 唔會有人催你, 都唔似某D cafe有好多人流, 所以啱晒放假黎慢活一下。