影片
更多
2022-07-27
55 瀏覽
📍川婆婆💛 - #YFF尖沙咀💎【必試良心串串香+燒肉放題 川味十足辣得過癮】最近同身邊的川菜愛好者傾起香港的川菜餐廳，俾我發掘到原來香港有呢間主打任食麻辣串串香的舖頭，最難得佢仲係一間良心店黎，所以諗都冇諗就book咗位試試佢(｡ì _ í｡) ❝B餐: 靚牛套餐❞ — $298 per head （自助區配料任食任飲 +牛頸脊/ 牛小排/ SRF和牛肉眼邊 (三選一) + 送時令海鮮盤）➤ 湯底店家推介必試佢地嘅招牌麻辣高山紅茶鍋，驟眼聽落好似好怪，但原來重慶麻辣火鍋最傳統做法係有茶葉架🍵 將茶葉炒出茶油黎代替牛油底料，茶香醇厚，而且更為天然健康。食落冇咁熱氣之餘，仲可以減少對腸胃既刺激。麻辣鍋用牛骨以及大量辣椒同多款四川香料熬製而成🌶🌶 店家更以椰奶代湯，湯底更濃厚綿滑，辣得有層次之餘，仲可以突出肉味(ˊo̶̶̷ᴗo̶̶̷`)另外今次我地仲選擇咗+$30升級鴛鴦鍋，配埋相對上較清淡養生既菌王雞湯鍋。呢個湯底味道清甜，菇菌味濃，雞件嫩滑，啱晒同行食唔到辣嘅朋友(*•̀ᴗ•́*)و ̑̑➤ 特選配料點餐後，店家會按人頭送上靚牛以及精選海鮮盤。今次我地就試左牛頸脊同埋牛小排，牛味香濃，雪花油脂均勻，輕輕
【必試良心串串香+燒肉放題 川味十足辣得過癮】
最近同身邊的川菜愛好者傾起香港的川菜餐廳，俾我發掘到原來香港有呢間主打任食麻辣串串香的舖頭，最難得佢仲係一間良心店黎，所以諗都冇諗就book咗位試試佢(｡ì _ í｡)
❝B餐: 靚牛套餐❞ — $298 per head
（自助區配料任食任飲 +牛頸脊/ 牛小排/ SRF和牛肉眼邊 (三選一) + 送時令海鮮盤）
➤ 湯底
店家推介必試佢地嘅招牌麻辣高山紅茶鍋，驟眼聽落好似好怪，但原來重慶麻辣火鍋最傳統做法係有茶葉架🍵 將茶葉炒出茶油黎代替牛油底料，茶香醇厚，而且更為天然健康。食落冇咁熱氣之餘，仲可以減少對腸胃既刺激。麻辣鍋用牛骨以及大量辣椒同多款四川香料熬製而成🌶🌶 店家更以椰奶代湯，湯底更濃厚綿滑，辣得有層次之餘，仲可以突出肉味(ˊo̶̶̷ᴗo̶̶̷`)另外今次我地仲選擇咗+$30升級鴛鴦鍋，配埋相對上較清淡養生既菌王雞湯鍋。呢個湯底味道清甜，菇菌味濃，雞件嫩滑，啱晒同行食唔到辣嘅朋友(*•̀ᴗ•́*)و ̑̑
➤ 特選配料
點餐後，店家會按人頭送上靚牛以及精選海鮮盤。今次我地就試左牛頸脊同埋牛小排，牛味香濃，雪花油脂均勻，輕輕烤過後油脂四溢，肉質軟滑。時令海鮮盤就包括左兩隻鮑魚、四隻虎蝦、同埋超多隻沙白同蟶子，每款都幾新鮮，鮑魚厚肉彈牙，虎蝦爽口唔霉，沙白蟶子鮮甜無沙。
➤自助區
大家仲可以去埋出面嘅自助區拎野飲野食，全場提供超過80款配料同串串香，店家推介十大必食串串有薄荷牛肉串、芫荽牛肉串、酥丸子、牛黃喉、鹵肥腸、掌中寶等。我地食過最推介各款特色牛肉串，每一串都係用上新鮮牛肉製作，肉質嫩滑，味道亦非常特別。另外私心推介口感煙韌索湯嘅川粉、多款由台灣引入嘅特色丸類、以及同麻辣火鍋係絕配嘅豆卜串、鵝腸、黑柏葉、萵苣等。
整體黎講，餐廳性價比極高，食材新鮮有質素，而且提供多款特色刁鑽配料，仲要係一間難得嘅良心川菜放題店，冇唔支持嘅理由啦係咪？💛
-
📍地址：
@tag ig
尖沙咀寶勒巷26-36號地舖
- - - - - - - - - - - - - - - - - - - - - - - - - - - - - - - -
🪐 𝘍𝘖𝘓𝘓𝘖𝘞 @yellowfoodfever 一齊搵食啦(๑･̑◡･̑๑)
- - - - - - - - - - - - - - - - - - - - - - - - - - - - - - - -
𝐄𝐱𝐩𝐥𝐨𝐫𝐞 𝐟𝐨𝐫 𝐦𝐨𝐫𝐞! (⁎⁍̴̛ᴗ⁍̴̛⁎)
🏷 #YFF九龍
🏷 #YFF黃店
🏷 #YFF火鍋
張貼
