寿司大大

睇演唱會之前先去醫肚，去咗紅磡火車站旁果個商場，但係food court 超多人，正當猶疑緊唔知食咩好果陣，咁岩俾我哋見到有人捧住一個刺身丼喺我哋面前經過，於是就周圍搵，最終搵到呢間壽司舖。見佢一個三文魚手卷又肥美又大件，但係價錢都係好相宜，於是就買黎頂肚，仲順手試埋佢嘅飯糰。

日本手卷同飯糰最注重嘅當然係佢嘅米，呢間舖頭雖然唔係咩集團式經營，但係用料都算幾好，真係用返日本珍珠米，食落有口感又唔會太硬，好過D便利店出嘅飯糰多多聲，以後黎睇演唱會又多個選擇