龍景軒

營業中

休息中

繼續周圍去搵好野食，今次揀左四季酒店既中菜廳龍景軒食晚飯。之前已經黎飲過茶，覺得D野幾好食，今次再黎試下晚餐如何。Book枱時預先留左張近玻璃窗既枱，可惜今晚落雨個窗一片模糊，如果好天望出維港應該幾靚。呢到服務就一定滿分，每個侍應都好貼心，枱與枱又有番一定距離，坐響到感覺好舒適，慢慢享受餐飯。我地食左蝦多士，牛面頰肉，脆皮雞，羊肚菌竹笙，百合彩椒黑豚肉。每樣野出品時間都安排到恰好，令你可以響最佳時間品嚐到每道菜既美味。而且睇得出每碟菜都冇馬虎，全都係材料最靚既部分先拎黎煮。我最鐘意牛面頰肉，肉質嫩滑，烹調時間又恰到好處，加上同個芡汁十分夾，色香味俱全👍食完主菜後餐廳有個小小點心甜點送同埋有功夫茶，覺得整餐晚飯好完滿。