麒藝館 (已結業)

今日放假就出銅鑼灣食個lunch順便行吓，就揀左麒藝館！先要讚下餐廳提供既茗茶選擇，好有特色，我地分別叫左白眉牡丹同埋瑰麗堂皇，鍾意玫瑰味既朋友一定要試下瑰麗堂皇，因為個花香味好濃！午市孖寶都幾抵食，所以我地都叫左個唐酒花膠蟹肉蛋白蒸蛋白好滑，花膠煮得好腍，茨汁都好好味！醬油日山和牛鬆炒飯炒飯好乾身，粒粒都沾到醬油，味道唔錯！除此之外我哋都叫咗兩款點心鮑汁鳳爪個鳳爪炆得好腍，食落去有少少黏口，滿滿骨膠原嘅感覺，如果個飽汁再濃味少少就更加好！爆汁鍋貼非常推薦呢一個鍋貼，食嘅時候真係要好小心，因為入面嘅肉汁真係好多，外皮煎到有少少脆，唔會好厚，幾出色下次都會再黎試下其他野！