馬德里餐廳

最近去左深水埗買電話卡，途經喱間馬德里餐廳，感覺好闊落，就同朋友入去輕輕鬆鬆食個排。

7

1

焗田螺

前菜我加錢叫左個田螺，田螺焗得唔會太過火，配埋個薯蓉有少少飽肚，味道幾出色，係一個好好既前菜。

鐵板牛柳

牛柳外面有少少焦脆，肉質都算幾鮮嫩，搭配的黑椒醬汁好夠味，令成份牛排更加出色。

鐵板大蝦拼肉眼牛排

大蝦上面有滿滿既蒜蓉，蝦肉鮮甜，有D似中式蒜蓉蝦。肉眼牛排既質素都非常不錯，比較淋好易咬口，非常滿足。

宜家港式牛排買少見少，喱間馬德里都仲做到我回憶中既味道，推介比大家，讚!