座位闊落，冷氣又夠。點完野係之後，侍應放低左壺菊花茶同埋一碟小菜： 貢菜+花生，貢菜都係第1次食，幾爽口幾特別喎
滷水鵝拼盤：
潮州菜特色之一嘅滷水，樣樣都想食下，所以叫左拼盤。 有紅腸、腎、鵝片、蛋、腩肉、豆腐。滷得幾入味，特別係腩肉同豆腐。鵝片幾嫩，亦有鵝肉味，肥膏唔多
酸甜梅膏骨
呢碟真係好配飯！酸酸甜甜好夠味，啖啖都係肉，食落有少少梅味，但唔會好酸好咸，連軟骨位都好爽。份量多，夠3-4人
蠔仔烙
睇菜名我以為係蠔仔餅咁，點知完全唔係！好驚喜
成塊好巨型，4個人食岩岩好，唔會膩。炸得好脆口，個底有好多蠔仔加埋質感類似魚糕嘅野， 好特別。一點要點少少魚露，成件事昇華左，好香口。難怪枱枱都點啦。
潮式糖醋麵
呢一碟相對就好似平凡啲啦！面層幾脆下，但個底係軟麵，食落唔會乾。加埋糖同埋醋，又幾好食嘅配搭！
原來份量都真係好多，完全食唔晒
所以打包回家。 仲可以有泊車優惠
