南龍冰室 (已結業)

約左朋友去石澳.. 晏左起身，一個人去到筲箕灣，食埋個早餐先入去囉。 沙嗲牛肉通: 佢沙嗲牛肉通餐係唔會有蛋的，相對冇咁抵。但太想食，冇計。佢同出面果 d 唔同.. 係沙嗲湯底加牛肉通粉，並唔係沙嗲牛肉加落通粉度。因為落得太多沙嗲醬，所以都幾鹹下。雖然好惹味，但未免重手了一點吧﹗ 蛋撻: 酥皮底，但好彩仲係熱的。蛋味幾濃，但酥皮不夠鬆化。 熱檸水: 有四五片檸檬，算比足料的。食完起行去石澳.. 就係因為遲左入去，正午時份游泳，所以「燒焦」了。