更多
2010-06-03
108 瀏覽
星期二，王子係facebook話食飯反正我星期三都係一個人的晚餐所以叫王子侵埋我玩黃皮大老虎班一兩$ 35，我地4個人食飯，要咗8兩經理介紹咗幾個炒法，最後決定用西芹百合炒黃皮大老虎班，夠新鮮我唔食魚都食咗二件，肉質鮮嫩，唔會炒得過晒火西芹無渣，纖維搣得夠乾淨百合亦無一點點黑色堂剪即燒皇子豬配蝴蝶餅 $ 90 例經理極力推介望落去幾靚架但當夾一件出黎之後，嚇親人囉呢件所謂嘅乳豬，蘸醬之後食好鹹，唔蘸醬食都係鹹皮係脆嘅，但連住啲肥膏一件起兩件止好喇蝴蝶餅係絕對出色，軟綿綿，好好食石窩燒茄子海參 $ 160茄子經過炸完又炆之後都無變黑色，仲係令令的紫色外觀上已經攞晒分啦味道亦對辦，海參亦發得夠大薑汁酒糖炒翠玉瓜 $ 45翠玉瓜夠爽口，但又唔係腍晒薑汁味好出，不過甜味仲出，帶埋少少酒味呢碟瓜，一行4人都讚呀石燒老薑鴨汁豆腐 $ 65英文名 : Stewed beancurd with duck juice & ginger in stone pot大家睇餸名，以為係好似紅燒豆腐咁，上面淋啲老鴨薑汁點知黎到之後，4個人都問 : 咩黎架?係咪上錯枱呀?一煲有雞，有魚雲嘅豆腐煲豆腐只得數件，少得可
反正我星期三都係一個人的晚餐
所以叫王子侵埋我玩
黃皮大老虎班
一兩$ 35，我地4個人食飯，要咗8兩
經理介紹咗幾個炒法，最後決定用西芹百合炒
黃皮大老虎班，夠新鮮
我唔食魚都食咗二件，肉質鮮嫩，唔會炒得過晒火
西芹無渣，纖維搣得夠乾淨
百合亦無一點點黑色
堂剪即燒皇子豬配蝴蝶餅 $ 90 例
經理極力推介
望落去幾靚架
但當夾一件出黎之後，嚇親人囉
呢件所謂嘅乳豬，蘸醬之後食好鹹，唔蘸醬食都係鹹
皮係脆嘅，但連住啲肥膏
一件起兩件止好喇
蝴蝶餅係絕對出色，軟綿綿，好好食
石窩燒茄子海參 $ 160
茄子經過炸完又炆之後都無變黑色，仲係令令的紫色
外觀上已經攞晒分啦
味道亦對辦，海參亦發得夠大
薑汁酒糖炒翠玉瓜 $ 45
翠玉瓜夠爽口，但又唔係腍晒
薑汁味好出，不過甜味仲出，帶埋少少酒味
呢碟瓜，一行4人都讚呀
石燒老薑鴨汁豆腐 $ 65
英文名 : Stewed beancurd with duck juice & ginger in stone pot
大家睇餸名，以為係好似紅燒豆腐咁，上面淋啲老鴨薑汁
點知黎到之後，4個人都問 : 咩黎架?係咪上錯枱呀?
一煲有雞，有魚雲嘅豆腐煲
豆腐只得數件，少得可憐
原本由主角，變成配角了
窩燒秘製羔蟹炆雞 $ 138
一打開蓋，聞到好濃烈嘅莞茜味
鮮橙色嘅蟹蓋，個汁好好味架
蘸這個經理送的煎米粉，一絕呀
不過唔知呢個煎米粉，係咪參考潮洲名菜"兩面黃"的煮法呢?
兩面都煎得香香脆脆的
脆皮黑毛鵝 $ 68 例
經理話即燒，要等45分鐘
等咗45分鐘出黎之後嘅結果係 : 皮脆肉嫩無佢份
奉送紅豆沙及生果拼盆
埋單大概$900
相關網誌 : http://hk.myblog.yahoo.com/jessicalim1112/article?new=1&mid=18578
張貼
