更多
2016-11-13
28682 瀏覽
之前已經成日想試呢間, 因為口啤都唔錯, 加上成家都有 “信和之友”會員, 生日月可以free生日那位, 所以今次爸爸生日就諗住去吃!! 打電話去訂位時, 職員說今年是28周年原來有個$280@優惠, 我們三個人吃還抵過咭的優惠, 所以就上網訂了, 要全數付款, 本來係早一個星期吃, 但因為個晚黑雨, 費事兩老遠遠的出來, 打去問下可否改期, 結果可以改今個星期吃, 蠻不錯!!放工去到, 父母已入座, 安排了windows位, 環境舒適感覺上都幾大, 而且野食都幾多, 要行一個圈慢慢睇都要一點時間, 加上今個月是 Halloween, 所以有特別的佈置!! 冷盤, 熟食及甜品種類都不少~~~那先來個冷盤, 因為我唔太吃生凍野, 所以只吃少少!!! 蟹腳同螺肉都幾新鮮, 而且有鮮味, 好鍾意吃的外國火腿, 尤其有點點那款; 另外還有忌廉薯蓉湯, 幾好飲…….第二轉係熟食, 每樣都拿一些, 個人覺得牛尾好好食, 好稔同入味, 豬頸肉都不錯幾爽口, 豬肶都唔會太韌, 點心類有酒樓水準, 仲有好味的燒賣, 父母都吃了幾粒!!! 不過點心類有時取晒要等, 還有父母很喜歡的燉湯, 今次係蘋果豬肉,
真是吃很飽飽, 父母們也很喜歡, 服務也十分好, 加上這個優惠價錢吃自助晚餐真係超級抵!! 下次看看還有沒有其他優惠, 或等媽媽生日月用咭來再吃, 得閒要做乖女帶兩位寶貝食好野, 一個又滿足又開心的家庭樂晚上!!
張貼