更多
2020-07-01
1573 瀏覽
小妹一直以嚟都好想養寵物🐶但因為屋苑唔比養所以一直都無養到, 難得屋企附近開左間寵物×串燒店就緊係要去試下啦🤗!一入到去已經見到哥基店長🐶好威威豬咁巡鋪, 超可愛😍, 鋪頭入面仲有好多唔同嘅狗狗好free咁周圍行嚟行去, 狗狗又可以同狗狗玩, 主人又可以同朋友聚會😉! 餐廳入面掛滿左好多唔同動物嘅壁畫🖼, 加上少少輕工業風嘅設計, 感覺時尚😊! 入面除左有串燒🍢比客人食, 仲有提供一系列嘅寵物餐牌比寵物們, 而且價錢唔貴又精緻! 雖然小妹同朋友都無寵物但望住其他人嘅狗狗一齊玩就覺得好開心😊門神系列生啤🍻孫悟空🍺蜜桃焦糖味啤酒, 容易入口, 味道帶微微焦糖香甜, 幾岩女仔飲!南雲🍺雲南普洱味🍵, 入口麥味較濃, 其後慢慢滲出微微普洱嘅苦澀味小妹同朋友點左燒雞皮, 燒雞腎, 沙嗲豬肉串, 鹽燒比目魚裙邊, 燒牛舌, 燒雞腿肉同燒翠玉瓜, 整體味道唔錯, 燒得幾香而且唔會太重口味太咸而遮蓋左食材原有味道, 特別推介鹽燒比目魚裙邊同燒牛舌, 燒比目魚裙邊食落微微焦香, 有少少入口即溶嘅感覺, 油脂甘香🥰, 燒牛舌口感軟腍, 味道濃郁, 食到尾仲有少少咸牛肉嘅味道😄!海味拼盤小妹最中意食嘅燒海味
門神系列生啤🍻
孫悟空🍺蜜桃焦糖味啤酒, 容易入口, 味道帶微微焦糖香甜, 幾岩女仔飲!
南雲🍺雲南普洱味🍵, 入口麥味較濃, 其後慢慢滲出微微普洱嘅苦澀味
小妹同朋友點左燒雞皮, 燒雞腎, 沙嗲豬肉串, 鹽燒比目魚裙邊, 燒牛舌, 燒雞腿肉同燒翠玉瓜, 整體味道唔錯, 燒得幾香而且唔會太重口味太咸而遮蓋左食材原有味道, 特別推介鹽燒比目魚裙邊同燒牛舌, 燒比目魚裙邊食落微微焦香, 有少少入口即溶嘅感覺, 油脂甘香🥰, 燒牛舌口感軟腍, 味道濃郁, 食到尾仲有少少咸牛肉嘅味道😄!
海味拼盤
小妹最中意食嘅燒海味乾, 入面有蝦乾🦐, 瀨尿蝦乾🦐同魷魚乾🦑, 燒得十分香口, 佢地仲有個醬汁跟埋, 味道似平時食蒜蓉粉絲蒸帶子後淋上去嘅果個豉油汁, 就咁食又得, 點埋醬汁嚟食更加惹味, 佐酒一流🍻!
惹味香蒜燒茄子
惹味蒜香半殼廣島蠔
廣島蠔肉質鮮甜, 多汁又無沙, 正😊!
惹味蒜蓉焗帶子
帶子粒粒都非常大隻厚肉, 鮮嫩多汁, 蒜蓉多到瀉出嚟☺️! 同廣島蠔一樣都係88蚊半打, 會唔會太抵先😆? 絕對會🙋🏻♀️!
肉醬焗薯條🍟
幼薯條用粉紅撲撲嘅玻璃盤裝住好可愛😍, 芝士同肉醬比例幾好, 肉醬味道唔錯!
張貼
