更多
2009-04-06
231 瀏覽
清明時節, 雨汾汾的天氣星期一才出現. 本來是約好姨媽們去和合石拜山的, 但有老人家, 不願行上山. 那就等待封山令解除後, 才輕鬆自駕上去. 今日, 不如就來深水埗青松觀.一眾大概20人, 中午去食飯飲茶. 因為就在左近, 舅母搖指重慶樓. 從前外公外婆開的鐵打館/五金鋪, 就在其對面. 此酒樓, 雖不是常去, 以前是否一樣叫重慶也不記得. 總之, 是舊地重遊啦...印象, 回憶......其實沒有. 只是對面的大南街公廁不變, 三興磅廠未執, 以前的舊唐樓未拆. 成20人, 當然分兩檯坐, 長輩坐一檯, 我們成班老表一檯...只是大表哥已榮升長輩行列, 要彈開.有雞有燒肉. 拜完先人當然分食. 再叫下數個點心, 煲仔假. 兩位發育中既小朋友, 正是化骨龍年齡, 要整多一份火鴨炆米俾佢地消化....果然, 兩個小朋友, 一男一女....可以化了整鍋東西. 要了一小鍋粥, 艇仔粥, 好多料. 不過豬潤就熟透了. 點心只是少少叫幾碟. 腸粉, 春卷, 鳳爪均是不錯的小點. 在街坊酒樓食點心, 通常都不會太過馬虎, 偕因來去者是街坊熟客, 要做回頭客生意的, 而且亦有競爭對手, 不好食就會
一眾大概20人, 中午去食飯飲茶. 因為就在左近, 舅母搖指重慶樓. 從前外公外婆開的鐵打館/五金鋪, 就在其對面. 此酒樓, 雖不是常去, 以前是否一樣叫重慶也不記得. 總之, 是舊地重遊啦...印象, 回憶......其實沒有. 只是對面的大南街公廁不變, 三興磅廠未執, 以前的舊唐樓未拆.
成20人, 當然分兩檯坐, 長輩坐一檯, 我們成班老表一檯...只是大表哥已榮升長輩行列, 要彈開.
有雞有燒肉. 拜完先人當然分食. 再叫下數個點心, 煲仔假. 兩位發育中既小朋友, 正是化骨龍年齡, 要整多一份火鴨炆米俾佢地消化....果然, 兩個小朋友, 一男一女....可以化了整鍋東西.
要了一小鍋粥, 艇仔粥, 好多料. 不過豬潤就熟透了. 點心只是少少叫幾碟. 腸粉, 春卷, 鳳爪均是不錯的小點. 在街坊酒樓食點心, 通常都不會太過馬虎, 偕因來去者是街坊熟客, 要做回頭客生意的, 而且亦有競爭對手, 不好食就會極速丁走.
煲仔飯, 因為已經飽飽地而沒有為意是好物. 後來第二煲瞿飯才有意欲去拍照. 飯是生米煲出的飯, 份外香. 雞肉大大塊, 雖不是什麼靚黃油雞, 但有時瘦瘦地幾好, 加上豉油, 食落, 可能切得夠細塊, 所以唔覺鞋.
飲茶食野街坊水準, 街坊價錢. 呢餐由大表哥請. 不過看見早茶 大、中、小點一律 $8.8. 中午茶都唔會貴得去邊. 另外有個焗海鮮乜乜孖寶. 只是$68. 是抵食的.
張貼
