餐廳好就腳，就係電梯隔離。環境都幾舒服~
話明Oyster Princess，就緊係要試生蠔啦~
叫左個至尊海鮮盤，除左生蠔之外，係冰陣已煮熟嘅海鮮，每樣都新鮮又鮮甜~~
日本生蠔，都幾肥美，淡淡地。
帆立貝、海蝦、花螺、大蜆全部都正！特別鍾意花螺，爽甜😁
另外一定要推薦冰陣磯燒鮑魚，濃濃嘅醬汁提升左鮑魚嘅鮮味。
如果鍾意飲SAKE同白酒，一定要試下，餐廳有好多款SAKE選擇，白酒仲可以一杯杯叫，而且價錢好抵呀！
可惜朋友唔好飲，咁我唯有留番下次試啦~
鍾意呢度，可以食日本嘢同海鮮之餘，仲可以買急凍嘅番屋企煮同慢慢嘆。
