心夜來潮 (已結業)

行完兩層樓梯就到我地今晚食晚飯的餐廳🍴其實我同家人已經食過荃灣分店的心夜來潮，不過今次是同事們飯局，當然擇番間位置方便的分店就番大家！我地六個人叫左大size的潮汕砂鍋粥，之後再自己配搭材料，擇左花甲王、膏蟹、鮮螺片，非常期待！真係好大鍋呀！真材實料！每人可以大概食到二至三碗！啖啖都鮮美十足！蠔餅大碟過隻碟，炸得香脆又唔會覺得好油，D蠔仔仲好肥美！由細到大都好鐘意食炸饅頭！沾勁多煉奶好好味！雖然呢度好多粒炸饅頭，但我嫌佢細粒左DD ，當晚個皮重有點硬添～一班人最好就是叫滷水拼盤，大家可以每款食D！好入味，必叫！