自家燒吧 (已結業)

觀塘嘅自家燒吧位於駱駝漆大廈，裝修新淨，似乎是剛開業不久。不過，自動轉轉串燒機夠晒話題性，好玩又好食，所以吸引咗好多家庭客黎幫襯，keep住都好旺場！店內開揚寬敞，而且仲有聖誕佈置，增添節日氣氛。除咗自轉串燒機之外，枱面有串燒必備嘅孜然粉，仲要有3款口味咁多添！另外仲有蜜糖燒烤醬、泰式甜辣醬同埋辣椒醬，任君選擇！罐裝汽水 $12 each冰凍嘅可樂係串燒嘅良伴！晚市黎講，$12一罐真係算平！牛魔王（皇牌）串燒 $198故名思義，係主打牛嘅套餐，牛肩牛脷牛丸牛柳肉眼等等都有！當中最特別嘅係肥牛蘆筍串，肥美嘅牛肉包住鮮甜爽口嘅蘆筍，真係一試難忘！精選串燒大會 $178豬牛雞羊乜都有，啱晒懶得諗食咩嘅人！剛上菜時，店員會示範如何使用自動串燒機，亦都會介紹返不同食材所需的燒烤時間。有時路過見到我哋啲食物燒得差唔多，都會提醒我哋要避免過熟，夠晒細心體貼。