鬼金棒

營業中

休息中

日本人俾人印象不太嗜辣，但呢間過江龍憑住辣、麻湯底拉麵成功站穩陣腳，現在喺香港有尖沙咀、銅鑼灣兩間分店😍記得第一次黎嗌中辣覺得唔夠喉，今次一於挑戰更高辣度！店內以黑、紅為主色，牆壁排住一個個日本「鬼」面具，氣氛有別於一般拉麵店。就連店內音樂都以太鼓鼓聲為主，有氣勢之餘仲好切合食客挑戰辣拉麵嘅主題！餐牌只有辣麻味噌拉麵一款湯底，配上唔同配料亦有小食、丼飯供應。鬼金棒最大特色係可以自選辣、麻度，分別有無、小、中、高去到鬼增，可以根據自己能力配搭🔸玉米荀辣麻味噌拉麵 +味玉好少見拉麵用玉米荀做主配菜！本來有超過十條玉米荀，意外地同辣湯好配合；粗身麵條口感煙韌，掛湯力一流。呢一碗叫左高辣中麻所以用上紅色碗，唐辛子辣椒粉既辣勁好惹味，不過一向食開重口味，嗜辣者可以直接試鬼增辣！！🔸特製辣麻味噌拉麵配料有齊兩大舊軟稔叉燒、味玉、玉米荀同豆芽菜，中辣小麻用白色碗，辣勁冇咁強更加食到山椒麻香😍