影片
更多
2010-02-06
22 瀏覽
因為o係我公司隔離,有時為左就腳同趕時間都會食下食過十次到 以為佢新開張先咁亂 依家都三個月啦 仲係咁每次都係負面驚喜,有以下幾種經驗叫鹹蝦厚多士餐 佢又出軟包 出錯仲話鹹蝦冇得跟多士(因為佢地其中一個set好既餐係鹹蝦配軟包) 我同佢講我之前先食完 先同我換手腳慢到不得了 往往整多士整得好慢 但佢又即時沖杯飲品 搞到多士配熱啡 變多士配涼啡 多多幾個人更顯慢更大問題係落order同出餐過程 又混亂又錯漏百出 幾乎未試過有一次係第一次就出啱哂d野食 一: 落左單之後個侍應去入機後 返過黎兩次再confirm個order 只係兩個人兩個套餐既單二: 佢地會有好幾款set好某隻饀配某種包既toast 令佢地好易先入為主地落錯單三: 試過最少兩次找錯錢 (十次有兩次 你公司唔蝕食 就係 厄哂客人d錢)最最最大問題係service 我之前都係做呢行 無論我自己幾(支力) 幾忙 被客人上司鬧完都好 都唔會咁事件一: 係週末時間我地公司只有半個鍾時間 我同事叫左娘惹麵線 因為太細蝶唔夠飽 加小食4隻雞中翼 等到食哂碗麵 十分鐘個雞翼都未黎 佢叫個侍應埋黎 叫佢跟 佢話好 又十分鐘 都未黎 已經遲到
食過十次到 以為佢新開張先咁亂 依家都三個月啦 仲係咁
每次都係負面驚喜,有以下幾種經驗
叫鹹蝦厚多士餐 佢又出軟包 出錯仲話鹹蝦冇得跟多士(因為佢地其中一個set好既餐係鹹蝦配軟包) 我同佢講我之前先食完 先同我換
手腳慢到不得了 往往整多士整得好慢 但佢又即時沖杯飲品 搞到多士配熱啡 變多士配涼啡 多多幾個人更顯慢
更大問題係落order同出餐過程 又混亂又錯漏百出 幾乎未試過有一次係第一次就出啱哂d野食
一: 落左單之後個侍應去入機後 返過黎兩次再confirm個order 只係兩個人兩個套餐既單
二: 佢地會有好幾款set好某隻饀配某種包既toast 令佢地好易先入為主地落錯單
三: 試過最少兩次找錯錢 (十次有兩次 你公司唔蝕食 就係 厄哂客人d錢)
最最最大問題係service 我之前都係做呢行 無論我自己幾(支力) 幾忙 被客人上司鬧完都好 都唔會咁
事件一: 係週末時間我地公司只有半個鍾時間 我同事叫左娘惹麵線 因為太細蝶唔夠飽 加小食4隻雞中翼 等到食哂碗麵 十分鐘個雞翼都未黎 佢叫個侍應埋黎 叫佢跟 佢話好 又十分鐘 都未黎 已經遲到 再叫同一個侍應 佢先"哎呀係喎" 啦啦lum入廚房 然後囉4隻好明顯好咁急炸起未吸油 d油仲滴滴既雞翼出黎 唔好意思都冇聲
事件二: (誠邀各位親身去試下) 對舉手視而不見 而唔係一個 係三四個 你舉緊手既時候同我雙目對望既staff都視而不見 真係人都癲 離哂譜 就算你地分左section 分左工唔同人管唔同野 咁你都可以幫我叫個個人埋黎幫架嘛
見佢新推出海南雞(好衰唔衰又鐘意食海南雞) 同個同事一個叫海南雞餐 一個叫燒雞餐 叫兩本熱奶茶 一杯少甜一杯走甜(食過就知熱既佢地都會放埋糖) 黎左兩杯咖啡 舉手+唔該x次先有個好人d既肥哥哥黎幫我地換 食完諗住問囉張紙巾 見到有個收錢既staff係對面枱收完錢要返去 我半企起身示意 出埋聲"唔該畀幾張紙巾" 佢扮聽唔到望都望 我見佢行過我張枱 我申手到佢塊面前面 yaap左兩下 佢都扮睇唔到dup低個頭避開 太好喇 好到不得了 完來佢真係盲架 後尾都係要叫返個肥哥哥先有紙巾抹嘴
尖沙咀個間我試過應該會好d 佐敦呢間真係要改善改善喇 咩機會都畀夠啦 我唔會再去 留返未去過個人去啦 我真係好激氣先會 打哂出黎發洩
講下食物
咖喱雞系列(可配飯,印度薄餅)
咖喱水+3隻雞中翼+1舊薯仔
喇沙
勉強ok 主要食到辣味 幅圖有3隻蝦 事實係3隻開邊得一半既蝦 即係1.5隻
娘惹麵
呢個幾好食 個汁同個麵好夾 好香 到現時我淨係筧得呢個好食
多士
士多啤梨厚多士好好食 我同事推介蜜糖
鹹蝦軟包
呢個每一個同事都覺得幾好
傳統咖椰多少
睇餐牌以為係腿蛋 完來腿係咖椰醬 蛋竟然係一整片牛油 超肥
西多士
茶餐廰好食得多
最後 如果你食feel 食環境 都可以既
service咁差 d野幾好食都假 何況野食好普通 service差 但價錢貴 唔扺
張貼