影片
更多
2019-03-07
317 瀏覽
嚟到沙田新城市見得最多就係喼🧰，想搵間可以坐耐啲嘅餐廳真係有啲難度，但今晚經過呢間道頓堀見冇咩人，之前新開張時已經想試，但礙於人多就未食過，今晚就決定試下啦！入場前店員已經講明用餐時間得90分鐘⏱，第一次嚟嘅我梗係咩都想試下，最後揀咗五花肉🥓、芝士🧀四重奏御好燒、明太子年糕芝士🧀文字燒同夏威夷風朱古力班戟🥞。五花肉🥓：唔算太肥，雖然畀咗兩小塊嘅牛油，但五花肉🥓本身都會出油，所以就冇再特別加，個鐵板溫度好夠，一放就差唔多熟晒，五花肉食落好軟身好香口，但附上嘅汁比較咸，反而有啲畫蛇添足🐍嘅感覺。芝士🧀四重奏御好燒：睇住啲材料時我真係無從入手，呢個時候對店員👩🏻🦰投上一個求救👀眼神，佢地都好習慣咁嚟幫手燒，店員用純熟利落嘅手法快速將所有材料攪拌均勻，然後就正式放係鐵板燒，兩面首先各燒5分鐘，然後再翻返第一面再燒多5分鐘，最後加埋醬汁就終於可以食喇！外皮燒得好脆身，但燒汁蓋過咗芝士🧀味，加埋年仲糕食落口時有好口感，食咗一個已經有啲飽喇！明太子年糕芝士🧀文字燒：吸取咗大阪燒要燒15分鐘先食得嘅經驗，今次我地啱啱燒完大阪燒就即請員店繼續燒，店員將所有材料混合後就倒落鐵板，但今次倒淨啲蛋🥚汁，原來
入場前店員已經講明用餐時間得90分鐘⏱，第一次嚟嘅我梗係咩都想試下，最後揀咗五花肉🥓、芝士🧀四重奏御好燒、明太子年糕芝士🧀文字燒同夏威夷風朱古力班戟🥞。
五花肉🥓：唔算太肥，雖然畀咗兩小塊嘅牛油，但五花肉🥓本身都會出油，所以就冇再特別加，個鐵板溫度好夠，一放就差唔多熟晒，五花肉食落好軟身好香口，但附上嘅汁比較咸，反而有啲畫蛇添足🐍嘅感覺。
芝士🧀四重奏御好燒：睇住啲材料時我真係無從入手，呢個時候對店員👩🏻🦰投上一個求救👀眼神，佢地都好習慣咁嚟幫手燒，店員用純熟利落嘅手法快速將所有材料攪拌均勻，然後就正式放係鐵板燒，兩面首先各燒5分鐘，然後再翻返第一面再燒多5分鐘，最後加埋醬汁就終於可以食喇！外皮燒得好脆身，但燒汁蓋過咗芝士🧀味，加埋年仲糕食落口時有好口感，食咗一個已經有啲飽喇！
明太子年糕芝士🧀文字燒：吸取咗大阪燒要燒15分鐘先食得嘅經驗，今次我地啱啱燒完大阪燒就即請員店繼續燒，店員將所有材料混合後就倒落鐵板，但今次倒淨啲蛋🥚汁，原來要分幾次加入麵糊，以免太濕，燒咗幾分鐘後就可以食，上面仲係濕濕地有啲黏稠，但個底就燒得較乾亦比較脆，不過椰菜🥗搶晒其他配料嘅味，芝士味完全無晒
夏威夷風朱古力🍫班戟🥞：店員上菜時已經教咗我地點燒，雖然我地多次投放🙏🏻無助眼神，但換嚟只係一次次嘅教學，我地唯有自力更新💪🏻啦，好彩燒得都唔錯，但配上忌廉就有啲膩，燒咗七塊出嚟，但最終只係食到五塊😭。
好飽足🈵嘅一餐，雖然手腳笨拙，但店員都好耐心咁幫忙，食物未有太大驚喜，不過想又食又玩嘅朋友不妨一試！
張貼
